Senatorên Amerîkayê bo Trump: Êdî dest bi cezakirina Tirkiyê bike

Hewlêr (Rûdaw) - Senatorê diyar ê Komariyên Amerîkayê Lindsey Graham û herwiha senatorê Demokratan Chris Van Hollen bi rêya nameyekê daxwaz ji rêveberiya DonaltTrump kirin ku êdî dest bi cezakirina Tirkiyê bikin.

Senatorê Komariyên Amerîkayê Lindsey Graham û senatorê Demokratan Chris Van Hollen nameyek ji Wezîrê Derve yê Amerîkayê Mike Pompeo re şandine û di nameya xwe de behsa wê yekê kirine ku ji ber kirîna sîstema berevaniya asmanî ya S-400an, divê Tirkiye bê cezakirin.

Di wê nameyê de hatiye destnîşankirin ku eger Amerîka weke pêwîst Tirkiyê ceza neke, dê ev yek bibe sedem ku welatên din jî yasayan binpê bikin û ji cezayan netirsin.

Lindsey Graham û Chris Van Hollen di nameya xwe ya ji bo Mike Pompeo de diyar jî kirine ku êdî dema sebrê bidawî bûye û divê rêveberiya Turump yasayên xwe bicîh bike ku ew jî cezakirina Tirkiyê ye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger