AMERÎKA - Kurd bi 'Dara Kurdistanê' beşdarî şahiya sersalê bûn

Hewlêr (Rûdaw) - Navenda Çanda Kurdan a Illinoisê beşdarî şahiya kevneşopî ya "Darên Noelê yên ji Çar Aliyên Cîhanê" bû ku ji aliyê Cook County Treasury Maria Pappasê ve tê lidarxistin.

Di çalakiya ku gelek netewe û civakên çandî beşdar bûn de, navendê cara ewil "Dara Noelê ya Kurdistanê" nîşan da û derfeta temsîlkirina mîrata Kurdan bi dest xist.

Bi reng û sembolên Kurdî hat xemilandin

Dara ku bi motîfên çand, reng û sembolên Kurdan hatibû xemilandin, rastî eleqeyeke mezin a beşdaran hat.

Vê gavê tevkariyeke girîng li dîtbariya çandî ya navendê ya li Chicagoyê kir.

Nûnerên civaka Kurd diyar kir ku vexwendina wan a ji bo vê çalakiyê şerefeke mezin e û bal kişand ser giringiya kombûna bi gelên cuda re û parvekirina çanda xwe.

Hat zanîn ku welatî dikarin heta destpêka sala 2026an li avahiya Cook County Treasuryê serdana wê darê bikin.

"Îsal ji bo me wateyeke taybet heye"

Navenda Çanda Kurdan ya Illinoisê li ser hesabê xwe yê medyaya civakî daxuyaniyek belav kir û got:

"Em kêfxweş in ku em ji bo Ahenga Noelê ya Cook County Treasuryê hatin vexwendin.

Îsal ji bo me xwedî wateyeke taybet e; çimkî me cara ewil derfet dît ku em dara xwe ya Noelê ya Kurdistanê nîşan bidin.

Temsîlkirina civaka me, parvekirina mîrata me û pîrozkirina vê heyama bi coş bi hev re şerefeke mezin bû."

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger