Çiyagerê Filîpînî li ser Çiyayê Everestê mir

Hewlêr (Rûdaw) - Çiyagerê Filîpîniyê ku dixwest hilkişe ser çiyayê herî bilind ê cîhanê Everestê ji ber ku pir westiya mir.

Li gorî rojnameya Kathmandu Postê, çiyagerê Filîpînî Philipp Santiagoyê 45 salî, piştî ku gihişt kampa 4an a li bilindahiya 7 hezar û 900 metreyan a Everestê, mir.

Di daxuyaniya Wezareta Geştyariyê ya Nepalê de hat gotin ku sedema mirina Santiago wekî “westiyana zêde” hatiye destnîşankirin.

Hat ragihandin ku ji ber rewşa nebaş a hewayê û zehmetiyên lojîstîkî, termê Santiago li kampê hatiye hiştin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger