Hewlêr (Rûdaw) - Şêwirmenda Almanyayê Angela Merkel ji ber erka wê bi dawî bûye bo xatirxwestinê îro 16ê Cotmeha 2021ê serdana Tirkiyê dike û ligel Serokkomarê Tirkiyê Recep Tayyip Erdogan dicive.
Serokatiya Ragihandina Serokomariya Tirkiyê derbarê serdanê de daxuyaniyek belav kir û ragihand ku Merkel îro serdana Tirkiyê dike û li Stenbolê ligel Erdogan dicive.
Serokatiya Ragihandina Serokkomariyê diyar dike ku di hevdîtina Merkel û Erdogan de peywendiyên Tirkiye û Almanyayê bi berfirehî tên nirxandin û bo zêdetir hevkariyeke baş gavên pêwîst dê bên gotubêj kirin.
Li gor daxuyaniyê di hevdîtinê de ligel peywendiyên Tirkiye û Almanyayê peywendiyên Tirkiye û Yekîtiya Ewropayê û di serî de Libya, Sûriye, Afxanistan, mijarên navdewletî û navçeyê dê bên gotubêjkirin.
Li gor çend rojnameyên navdewletî partiyên opozîsyona Almanyayê Partiya Çep û Kesk ligel Merkel hevdîtin kirine û di hevdîtinan de xwestine ku Merkel di serdana xwe ya Tirkiyê de mijara girtiyên sîyasî jî gotûbêj bike.
Angela Merkel ev 16 sal in li Almanyayê Rawêjkar bû û di hilbijartinên 26ê Îlona 2021ê de eşkere kiribû ku nabe berbijêr. Ev demeke jî bi armanca xatirxwestinê serdana gelek welatan dike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse