Çarenivîsa 16 koçberên ku di nav de keçên Kurd jî hene ne diyar e

Hewlêr (Rûdaw) - Çarenivîsa 16 koçberên ku belema wan li nêzî girava Mîkonos a Yunanê binav bûye ne diyare ku di nava wan de du keçên Kurd jî hene.

Rêkxistina Mafên Mirov ya Efrîn - Sûriye dibêje ku roja Îna borî belemek ku 20 koçber tê de bûn, ji Tirkiyê berê xwe dabû Yunanê lê belema wan noq bûye.

Pişt re termê çend kesan hatine dîtin, di nava wan de keça Kurd a bi navê Şêrîn Kalo ku ji gundê Kurzêlê yê Şêrawa li gundewarê Efrînê û termê Sûriyekî û Efxaniyekî hatine dîtin.

Heta niha çarenivîsa 16 kesan ne diyar e, di nava kesên wenda de 2 keçên Kurd hene ew jî ji Efrînê ne. Yek jê Cûlyana Nedîm Necar a 18 salî ye ji gundê Kîmarê ye û ya din jî Zeyneb Sebrî Faris e ji gundê Meemela li nahiya Raco ye.

Li gorî zanyariyan Belema wan koçberan li girava Mîkonos li kevirekî ketiye û qulbiye û binav bûye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger