رووداو دیجیتاڵ
ئەمڕۆ بەهای دینار بەرامبەر بە دۆلار دابەزی. 100 دۆلار لە سلێمانی گەیشتە نزیکەی 146 هەزار دینار. ئاڵوگۆڕکارانی دراو دەڵێن، جێی ترس نییە و تەنیا خواست و خستنەڕووە.
ئەمڕۆ چوارشەممە، 8-5-2024، لە کاتی داخستنی بازاڕدا، 100 دۆلار بە 145 هەزار و 850 دینار مامەڵەی پێوەکراوە. لە کاتی کردنەوەی بازاڕدا لە سلێمانی، بەیانیی ئەمڕۆ 100 دۆلار بە 145 هەزار و 500 دینار بووە.
پێش داخستنی بازاڕ، لە سلێمانی 100 دۆلار گەیشتبووە 145 هەزار و 900 دیناریش.
رەوەز میرزا، ئاڵوگۆڕکاری دراو لە بازاڕی دۆلارەکەی سلێمانی بە رووداوی گوت، ئەمڕۆ دینار لە بازاڕدا زۆر بووە. ئەمەش خواستی لەسەر دۆلار زیادکرد. دەشڵێت، ئەمە ئاساییە و جێگەی ترس نییە.
لە هەولێریش بەهای دینار کەمێک دابەزیوە. لە کاتی کردنەوەی بازاڕدا 100 دۆلار بە 145 هەزار و 400 دینار بووە.
لەکاتی داخستنیشدا لە بازاڕی دۆلارفرۆشانی هەولێر 100 دۆلار بە 145 هەزار و 750 دینار بووە.
بەم پێیە، ئەمڕۆ لە نێوان کاتی کردنەوە و داخستنی بازاڕدا، بەهای 100 دۆلار لە سلێمانی و لە هەولێریش 350 دینار بەرزبووەتەوە.
غازی فەیسەڵ، ئەندامی ئەنجوومەنی گۆڕینەوەی دراوی هەولێر بە رووداوی گوت، دابەزینی ئەمڕۆی بەهای دینار تەنیا پەیوەندیی بە خواست و خستنەڕووەوە هەیە.
ئەمڕۆ بانکی ناوەندیی عێراق 275 ملیۆن و 539 هەزار و 423 دۆلاری خستە بازاڕەوە؛ لەو بڕە، 262 ملیۆن و 59 هەزار و 423 دۆلاری بە شێوەی حەواڵە و 13 ملیۆن و 480 هەزار دۆلاریشی بە شێوەی کاش بووە.
لە کۆتاییەکانی ئاداری ئەمساڵەوە بەهای دینار بەرامبەر بە دۆلار بەرزبووەتەوە و 100 دۆلار بە کەمتر لە 150 هەزار دینار مامەڵەی پێوە دەکرێت.
لەبارەی بەهای تمەنیشەوە، غازی فەیسەڵ گوتی، 100 دۆلار بە شێوەی کاش [نەقد] بە 5 ملیۆن و 900 هەزار تمەنە. بە حەواڵەش بە 6 ملیۆن تمەنە. 100 دۆلاریش بەرامبەر بە 3 هەزار و 200 لیرەی تورکییە.
بەهای دراوەکان و زێڕ لە کاتی داخستنی بازاڕدا
100 دۆلار
هەولێر
145,750 دینار
سلێمانی
145,900 دینار
100 دۆلار
کاش
5,9 ملیۆن تمەن
حەواڵە
6 ملیۆن تمەن
100 دۆلار
3200 لیرەی تورکی
100 دۆلار
106 یۆرۆ
100 دۆلار
106 پاوەند
نرخی فرۆشتنی زێڕ لەکاتی داخستندا
مسقاڵێک زێڕ عەیار 24=540,000
مسقاڵێک زێڕ عەیار 22=500,000
مسقاڵێک زێڕ عەیار 21=475,000
مسقاڵێک زێڕ عەیار 18=410,000
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ