رووداو دیجیتاڵ
وەزارەتی دارایی هەرێمی کوردستان رایگەیاند، 120 ملیار دینار داهاتی نانەوتییان خستووەتە سەر هەژماری بانکیی وەزارەتی دارایی عێراق لە لقی هەولێری بانکی ناوەندی.
ئەمڕۆ چوارشەممە 19ی تشرینی دووەمی 2025 سەرچاوەیەک لە حکومەتی عێراق بە هەڵکەوت عەزیز، پەیامنێری رووداوی راگەیاند، لە لقی هەولێری بانکی ناوەندیی عێراقەوە 120 ملیار دینار داهاتی ناوخۆی هەرێمی کوردستان خرایەسەر هەژماری وەزارەتی دارایی عێراق.
چەند خولەکێک دواتر وەزارەتی دارایی و ئابووریی هەرێمی کوردستان رایگەیاند، داهاتی نانەوتیی هەرێمی کوردستان بۆ مانگی ئەیلوول خرایە سەر هەژماری بانکیی وەزارەتی دارایی عێراق لە لقی هەولێری بانکی ناوەندی.
رۆژی سێشەممە 18-11-2025 رێباز حەملان، یاریدەدەری سەرۆکوەزیرانی هەرێمی کوردستان بە تۆڕی میدیایی رووداوی راگەیاند، "حکومەتی هەرێمی کوردستان هەموو پابەندییەکانی خۆی لەسەر پرسی هەناردەکردنەوەی نەوت جێبەجێ کردووە، لەوانەش مانگانە رادەستکردنی 120 ملیار دینار لە داهاتی نانەوتی بە بەغدا لەکاتی خۆی، پرسی میزان موراجەعە و لیستی مووچە، هەمووی بە رێکوپێکی کراوە و هیچ کێشەیەک نەماوە لەلایەن هەرێمی کوردستان و هیچ پابەندییەک نەماوە جێبەجێی بکات، بۆیە دەبێت ئەوانیش ئەو چوار مووچەیە[ی ئەم ساڵی مووچەخۆرانی هەرێمی کوردستان کە لەلایان ماوە] خەرج بکەن."
رێباز حەملان ئاماژەی بەوەش کرد، "نەناردنی مووچەی مانگی 9 بە هیچ شێوەیەک پەیوەندیی بە نەناردنی 120 ملیار دینار داهاتی نانەوتییەوە نییە." گوتیشی، دەبێت ئەمڕۆ و سبەی عێراق بڕیار لە ناردنی مووچەی مانگی ئەیلوول بدات، "بەڵام لەوانەیە ئالیەتی ناردنەکەی بکەوێتە هەفتەی داهاتوو."
"هەفتەی داهاتوو شاندێکی تەکنیکی دەچێتە بەغدا"
هاوکات، هەر رۆژی سێشەممە 18ی تشرینی دووەمی 2025 بەنگین رێکانی، وەزیری ئاوەدانکردنەوە و نیشتەجێکردنی عێراق گوتی، رۆژی دووشەمە 17-11-2025 لە کۆبونەوەیەکی نێوان محەممەد شیاع سوودانی، فوئاد حوسێن، تەیف سامی و خۆی دا بڕیاری ناردنی مووچە دراوە.
لەبارەی چارەنووسی دوو مووچەی فەرمانبەرانی هەرێمی کوردستان، وەزیری ئاوەدانکردنەوەی عێراق گوتی، "هەفتەی داهاتوو شاندێکی تەکنیکی لە هەولێرەوە دەچنە بەغدا بۆ چارەسەرکردنی کێشەی دوو مووچەی ئەم ساڵ."
رۆژی 26-10-2025 بەغدا 945 ملیار و 817 ملیۆن دیناری وەکو تەمویلی مووچەی مانگی ئابی فەرمانبەران و مووچەخۆرانی هەرێمی کوردستان خستەسەر هەژماری بانکیی وەزارەتی دارایی و ئابووریی هەرێمی کوردستان.
هەمان رۆژ وەزارەتی دارایی لیستی مووچەی مانگی 8ی بڵاوکردەوە و لە سێ رۆژی 27، 28 و 29ی تشرینی یەکەمدا مووچەی ئەو مانگەی بەسەر فەرمانبەران و مووچەخۆرانی دا دابەشکرد.
وەزارەتی دارایی هەرێمی کوردستان رایگەیاند، 120 ملیار دینار داهاتی نانەوتییان خستووەتە سەر هەژماری بانکیی وەزارەتی دارایی عێراق لە لقی هەولێری بانکی ناوەندی.
ئەمڕۆ چوارشەممە 19ی تشرینی دووەمی 2025 سەرچاوەیەک لە حکومەتی عێراق بە هەڵکەوت عەزیز، پەیامنێری رووداوی راگەیاند، لە لقی هەولێری بانکی ناوەندیی عێراقەوە 120 ملیار دینار داهاتی ناوخۆی هەرێمی کوردستان خرایەسەر هەژماری وەزارەتی دارایی عێراق.
چەند خولەکێک دواتر وەزارەتی دارایی و ئابووریی هەرێمی کوردستان رایگەیاند، داهاتی نانەوتیی هەرێمی کوردستان بۆ مانگی ئەیلوول خرایە سەر هەژماری بانکیی وەزارەتی دارایی عێراق لە لقی هەولێری بانکی ناوەندی.
رۆژی سێشەممە 18-11-2025 رێباز حەملان، یاریدەدەری سەرۆکوەزیرانی هەرێمی کوردستان بە تۆڕی میدیایی رووداوی راگەیاند، "حکومەتی هەرێمی کوردستان هەموو پابەندییەکانی خۆی لەسەر پرسی هەناردەکردنەوەی نەوت جێبەجێ کردووە، لەوانەش مانگانە رادەستکردنی 120 ملیار دینار لە داهاتی نانەوتی بە بەغدا لەکاتی خۆی، پرسی میزان موراجەعە و لیستی مووچە، هەمووی بە رێکوپێکی کراوە و هیچ کێشەیەک نەماوە لەلایەن هەرێمی کوردستان و هیچ پابەندییەک نەماوە جێبەجێی بکات، بۆیە دەبێت ئەوانیش ئەو چوار مووچەیە[ی ئەم ساڵی مووچەخۆرانی هەرێمی کوردستان کە لەلایان ماوە] خەرج بکەن."
رێباز حەملان ئاماژەی بەوەش کرد، "نەناردنی مووچەی مانگی 9 بە هیچ شێوەیەک پەیوەندیی بە نەناردنی 120 ملیار دینار داهاتی نانەوتییەوە نییە." گوتیشی، دەبێت ئەمڕۆ و سبەی عێراق بڕیار لە ناردنی مووچەی مانگی ئەیلوول بدات، "بەڵام لەوانەیە ئالیەتی ناردنەکەی بکەوێتە هەفتەی داهاتوو."
"هەفتەی داهاتوو شاندێکی تەکنیکی دەچێتە بەغدا"
هاوکات، هەر رۆژی سێشەممە 18ی تشرینی دووەمی 2025 بەنگین رێکانی، وەزیری ئاوەدانکردنەوە و نیشتەجێکردنی عێراق گوتی، رۆژی دووشەمە 17-11-2025 لە کۆبونەوەیەکی نێوان محەممەد شیاع سوودانی، فوئاد حوسێن، تەیف سامی و خۆی دا بڕیاری ناردنی مووچە دراوە.
لەبارەی چارەنووسی دوو مووچەی فەرمانبەرانی هەرێمی کوردستان، وەزیری ئاوەدانکردنەوەی عێراق گوتی، "هەفتەی داهاتوو شاندێکی تەکنیکی لە هەولێرەوە دەچنە بەغدا بۆ چارەسەرکردنی کێشەی دوو مووچەی ئەم ساڵ."
رۆژی 26-10-2025 بەغدا 945 ملیار و 817 ملیۆن دیناری وەکو تەمویلی مووچەی مانگی ئابی فەرمانبەران و مووچەخۆرانی هەرێمی کوردستان خستەسەر هەژماری بانکیی وەزارەتی دارایی و ئابووریی هەرێمی کوردستان.
هەمان رۆژ وەزارەتی دارایی لیستی مووچەی مانگی 8ی بڵاوکردەوە و لە سێ رۆژی 27، 28 و 29ی تشرینی یەکەمدا مووچەی ئەو مانگەی بەسەر فەرمانبەران و مووچەخۆرانی دا دابەشکرد.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ