رووداو دیجیتاڵ
رۆژی یەکشەممە نرخی دۆلار بەرامبەر بە تمەن بەراورد بە رۆژی رابردوو 700 تمەنی دیکە بەرزبووەوە و یەک دۆلار بە 164 هەزار و 200 تمەن مامەڵەی پێوەکرا.
لە ماوەی 24 کاژێری رابردوو دا بەرزترین نرخی دۆلار 165 هەزار و 100 تمەن و کەمترین ئاستیشی 163 هەزار و 500 تمەن بوو.
لە ماوەی یەک هەفتەدا نرخی دۆلار بەراورد بە هەفتەی رابردوو بەڕێژەی 2.69٪ و لە ماوەی شەش مانگیشدا بەڕێژەی 67.47٪ بەرزبوونەوەی بەخۆیەوە بینیوە.
هەڕەشەکانی ئەمریکا بۆ سەر ئیران و ئەگەری هێرشی ئەو وڵاتە بۆ سەر دامەزراوە ئەتۆمییەکانی ئێران بە تووندی کاریگەریی کردووەتەسەر بەهای تمەن و بازاڕەکانی ئەو وڵاتە.
بەهای بازاڕی بۆرسەی تاران دابەزیوە بۆ کەمترین ئاستی خۆی لە ماوەی شەش مانگی رابردوودا و شەپۆلێکی نوێی دەرچوونی سەرمایە لەو وڵاتە دەستی پێکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ