کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

وێنە: فەرهاد ئەترووشی، جێگری سەرۆکی پەرلەمانی عێراق و فالح ساری، وەزیری دارایی عێراق

وێنە: فەرهاد ئەترووشی، جێگری سەرۆکی پەرلەمانی عێراق و فالح ساری، وەزیری دارایی عێراق

ئابووری

فەرهاد ئەترووشی بۆ وەزیری دارایی عێراق: دواکەوتنی مووچەی مووچەخۆرانی هەرێمی کوردستان پێچەوانەی دەستوور و یاسایە

نەهرۆ محەممەد

نەهرۆ محەممەد

06-10-2026
گوێبگرە
0:00
0:00
قەبارەی دەق
نەهرۆ محەممەد
نەهرۆ محەممەد06-10-2026

بابەتی پەیوەندیدار

بۆ یەکەمجار زەیتوونی عەفرین گەیشتە هەڵەبجە؛ کارگەیەکی شارەکە هەزار تۆن وەردەگرێت
ئابووری21-11-2026

بۆ یەکەمجار زەیتوونی عەفرین گەیشتە هەڵەبجە؛ کارگەیەکی شارەکە هەزار تۆن وەردەگرێت

63 ملیار دینار پارەی گەنمی جووتیارانی هەرێمی کوردستان دابەش دەکرێ
ئابووری20-11-2026

63 ملیار دینار پارەی گەنمی جووتیارانی هەرێمی کوردستان دابەش دەکرێ

نرخی مسقاڵێک زێڕ 37 هەزار دینار دابەزی
ئابووری20-11-2026

نرخی مسقاڵێک زێڕ 37 هەزار دینار دابەزی

رووداو دیجیتاڵ

فەرهاد ئەترووشی، جێگری سەرۆکی پەرلەمانی عێراق، بە نووسراوی فەرمی داوای روونکردنەوە لە فالح ساری، وەزیری دارایی عێراق دەکات لەبارەی هۆکاری دواکەوتنی ناردنی پارەی مووچەی مووچەخۆرانی هەرێمی کوردستان، بەراورد بە هاوتاکانیان لە دامەزراوەکانی دیکەی عێراق.


 لە نووسراوەکەدا کە رۆژی 21ـی ئەیلوولی 2026 دەرچووە و واژۆی فەرماد ئەمین ئەترووشی، جێگری سەرۆکی پەرلەمانی عێراقی لەسەرە، نموونە بە ناردنی مووچەی مانگەکانی تەممووز و ئاب هێنراوەتەوە کە چۆن بەراورد بە مووچەی فەرمانبەرانی حکومەتی فیدراڵی، دواکەوتووە.

بەپێی نووسراوەکە، "ناردنی مووچەی فەرمانبەرانی هەرێمی کوردستان بۆ مانگی تەممووزی 2026 لە رۆژی 17ـی ئابی 2026 بووە؛ هەروەها مووچەی مانگی ئابیش لە 13ـی ئەیلوولی 2026 نێردراوە، لە کاتێکدا هاوتاکانیان لە دامەزراوە فیدراڵییەکاندا مانگ بە مانگ مووچە وەردەگرن."

ئەو پرسیارە پەرلەمانییە پاڵپشتە بە مادەی 61 (بڕگەی حەوتەم/أ)ـی دەستوور و مادەی 29ـی یاسای پەرلەمانی عێراق، هەروەها مادەی 50ـی پەیڕەوی ناوخۆی پەرلەمان.

جێگری سەرۆکی پەرلەمانی عێراق ئاماژەی بەوەشکردووە، ئەو دواکەوتنە لەگەڵ چەندین مادەی دەستووری عێراق (مادەکانی 14، 16 و 23 تاوەکو 36) و بڕیاری دادگەی باڵای فیدراڵی ژمارە (224)ـی ساڵی 2023 یەکناگرێتەوە. لە کۆتایی نووسراوەکەدا داوای وەڵامدانەوەی ئەو پرسیارە لە وەزیری دارایی کراوە.

وەزارەتی دارایی عێراق هێشتا مووچەی مانگی رابردووی فەرمانبەران و مووچەخۆرانی هەرێمی کوردستان خەرج نەکردووە. 

ئەمڕۆ لە کاتی چوونە دەرەوەی لە کۆبوونەوە لەگەڵ لیژنەی دارایی پەرلەمانی عێراق، شکۆ عومەر، بەرپرسی ئۆفیسی تۆڕی میدیایی رووداو لە بەغدا لە فالح ساری، وەزیری دارایی عێراقی پرسی: ئایا پێنجشەممە مووچەی فەرمانبەرانی هەرێمی کوردستان دەنێرن؟ وەزیری دارایی عێراق لە وەڵامدا گوتی:" پێش پێنجشەممە، پشتیوان بەخودا سبەی دەینێرین. پشتیوان بە خودا، سبەی ".   

رۆژی دووشەممە (5ی تشرینی یەکەمی 2026) تیمی تەکنیکی وەزارەتی دارایی و ئابووری هەرێمی کوردستان لیستی مووچەی مانگی ئەیلوولی مووچەخۆرانی هەرێمی کوردستان و راپۆرتی تەرازووی پێداچوونەوەی دارایی تایبەت بە خەرجی و داهاتی مانگی ئاب 2026، رادەستی لایەنی پەیوەندیدار لە وەزارەتی دارایی عێراق کرد، بە ئامانجی وردبینیکردن و خێراکردنی ناردنی پارەی مووچەخۆرانی هەرێمی کوردستان.

بابەتی پەیوەندیدار

بۆ یەکەمجار زەیتوونی عەفرین گەیشتە هەڵەبجە؛ کارگەیەکی شارەکە هەزار تۆن وەردەگرێت
ئابووری21-11-2026

بۆ یەکەمجار زەیتوونی عەفرین گەیشتە هەڵەبجە؛ کارگەیەکی شارەکە هەزار تۆن وەردەگرێت

63 ملیار دینار پارەی گەنمی جووتیارانی هەرێمی کوردستان دابەش دەکرێ
ئابووری20-11-2026

63 ملیار دینار پارەی گەنمی جووتیارانی هەرێمی کوردستان دابەش دەکرێ

نرخی مسقاڵێک زێڕ 37 هەزار دینار دابەزی
ئابووری20-11-2026

نرخی مسقاڵێک زێڕ 37 هەزار دینار دابەزی

پێشنیازەکان

ئەمەنەش ببینە