رووداو دیجیتاڵ
نێچیرڤان بارزانی پێشوازیی لە مەزڵووم عەبدی کرد و تاوتوێی دوایین پێشهاتەکانی ناوچەکەیان کرد و سەرۆکی هەرێمی کوردستان "پشتگیری خۆی بۆ مافەکانی کورد و پێکهاتەکانی سووریا" دەربڕی.
رۆژی دووشەممە، 12-10-2026 نێچیرڤان بارزانی، سەرۆکی هەرێمی کوردستان پێشوازیی لە مەزڵووم عەبدی، راوێژکاری سەرۆکایەتیی کۆماری سووریا کرد.
سەرۆکایەتیی هەرێمی کوردستان دەڵێت: دۆخی گشتیی سووریا و کورد لەو وڵاتە و دوایین پێشهاتەکانی ناوچەکە تاوتوێ کران و هەردوولا جەختیان لە گرنگیی پاراستنی ئارامی و سەقامگیری کردەوە.
بەگوێرەی راگەیێندراوەکە، نێچیرڤان بارزانی "پشتگیريی هه‌رێمى كوردستانى بۆ سووریایەکی ئارام و سەقامگیر دووپات كرده‌وه کە مافی كورد و هەموو پێکهاتەکانی تێدا پارێزراو بێت. هاوکات ئاماژه‌ى به گرنگیی برەودان بە پەیوەندییەکان و هاوکاريی عێراق و هەرێمی کوردستانی له‌گه‌ڵ سووريادا كرد".
سەرۆکایەتیی هەرێمی کوردستان دەڵێت، لە دیدارەکەدا "بەڕێز مەزڵووم عەبدی ستايش و پێزانینی خۆی بۆ هەڵوێست و پشتیوانیی بەردەوامی بەڕێز سەرۆکی هەرێمی کوردستان بۆ مافه‌كانى کورد و هەوڵەکانی لەپێناو ئاشتی و سەقامگیریدا، دەربڕی".
