باوکی هەڵکەوت عەزیز تەندروستی ناجێگیرە

رووداو دیجیتاڵ

ئێوارەی ئەمرۆ عەزیز محەممەد، باوکی هەڵکەوت عەزیز پەیامنێر و بەرێوەبەری کۆچکردووی نووسینگەی رووداو لە بەغدا دۆخی تەندروستی تێکچوو و بەپەلە گەیێندرایە بەشی فریاکەوتنی نەخۆشخانەی ئازادیی کەرکووک. 

بەڵێن عومەر، بەرێوەبەری نەخۆشخانەی ئازادی فێرکاری بە رووداوی راگەیاند، "مام عەزیز هەموو پشکنینەکانی بۆ کراوە و سەرەتا ترسمان هەبوو دووچاری جەڵتەی مێشک بووبێت، بەڵام دواتر بۆمان دەرکەوت کە مێشکی باشە و کێشەیەکی کۆنی دڵی هەیە و لەگەڵ ئەوەشدا تووشی تاو و رشانەوە بووە". 

بەڵێن عومەر دەڵێت، "باوکی هەڵکەوت تەمەنی هەیە و زۆر بیرکردنەوە و خەم خواردن بەشێک لە هۆکاری نەخۆشکەوتنی ئەمڕۆیەتی و بۆ چارەسەری پێویست و باشتر ئەم شەو رەوانەی نەخۆشخانەی ئینتەرناشنال دەکرێت لە هەولێر".