رووداو دیجیتاڵ
ئەمڕۆ دووشەممە 12ی تشرینی یەکەمی 2026، سەرۆک بارزانی لە پیرمام پێشوازی لە محەممەد شیاع سوودانی، سەرۆکوەزیرانی پێشووی عێراق و سەرۆکی هاوپەیمانیی ئاوەدانکردنەوە و گەشەپێدان کرد.
لە دیدارەکەدا دۆخی سیاسیی عێراق و ناوچەکە گفتوگۆیان لەبارەوە کرا، هەردوولا جەختیان لە گرنگیی تەواوکردنی پێکهاتەی وەزاریی حکومەتی عێراق و پاڵپشتیکردنی حکومەتەکە کردەوە.
لە بەشێکی دیکەی دیدارەکەدا، سەرۆک بارزانی و سوودانی باسیان لە دەنگدان لەسەر پرۆژەیاسای بودجە و دەرکردنی یاسا پێویستەکان و چارەسەرکردنی کێشەکانی نێوان هەولێر و بەغدا کرد.
محەممەد شیاع سوودانی، سەرۆکوەزیرانی پێشووی عێراق لە شاری هەولێرە و بەشداری لە دیداری مێری دەکات، کە بە سپۆنسەری میدیایی رووداو بەڕێوەدەچێت.
