کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

ساتی هەڵدانی مووشەکێکی ئێرانی. وێنە: ئەرشیڤ

ساتی هەڵدانی مووشەکێکی ئێرانی. وێنە: ئەرشیڤ

ئێران

ئەرتەشی ئێران: دووژمن خەریکی ئامادەکردنی هێزەکانییەتی و وەڵاممان زۆر تووندتر دەبێت

سینا سۆما

سینا سۆما

18-11-2026
گوێبگرە
0:00
0:00
قەبارەی دەق
سینا سۆما
سینا سۆما18-11-2026

بابەتی پەیوەندیدار

گرۆسی: هیچ زانیارییەکمان لەسەر بەرنامە ئەتۆمییەکەی ئێران نییە
ئێران19-11-2026

گرۆسی: هیچ زانیارییەکمان لەسەر بەرنامە ئەتۆمییەکەی ئێران نییە

لە سنووری بانە شەڕ لەنێوان هێزەکانی ئێران و پژاکدا روویدا؛ سەربازێک کوژراوە
ئێران18-11-2026

لە سنووری بانە شەڕ لەنێوان هێزەکانی ئێران و پژاکدا روویدا؛ سەربازێک کوژراوە

یەک دۆلار بە 267,400 تمەن مامەڵەی پێوەدەکرێت
ئێران18-11-2026

یەک دۆلار بە 267,400 تمەن مامەڵەی پێوەدەکرێت

رووداو دیجیتاڵ

فەرماندەی گشتیی ئەرتەشی ئێران رایگەیاند، "دووژمن" خەریکی ئامادەکردنی هێزەکانیەتی، بەڵام هێزە چەکدارەکانی ئێران بە وردی چاودێریی جموجۆڵەکانیان دەکەن. هۆشدارییش دەدات و دەڵێت، "لە ئەگەری هەر هەڵەیەکی دووژمن، وەڵامێکی زۆر تووندمان دەبێت."

ئەمڕۆ چوارشەممە 18ی تشرینی دووەمی 2026 ئەمیر حاتەمی، فەرماندەی گشتیی ئەرتەشی ئێران لە پەراوێزی سەردانیدا بۆ پێشانگای پاشماوەی ئەو کەرەستە سەربازییانەی ئەمریکا و ئیسرائیل کە لە جەنگی 12 رۆژە و 40 رۆژەدا کەوتوونەتە دەستی هێزەکانی ئێران، باسی دۆخی ئێستای نێوان ئێران و ئەمریکا کرد.

فەرماندەی گشتیی ئەرتەشی ئێران رایگەیاند، "دووژمن لە خۆئامادەکردنی هێزەکانی دایە، بەڵام ئەرتەش و هێزە چەکدارەکانی دیکە بەوپەری وریاییەوە چاودێریی جموجۆڵەکانیان دەکەن."

ئەمیر حاتەمی گوتی، رێگە نادەین هیچ کەسێک بە چاوی خراپ تەماشای وڵاتەکەمان و سیستەمی سیاسیی کۆماری ئیسلامیی ئێران بکات و وانەیەکی وایان دەدەینێ، کە ببێتە پەند بۆ هەمووان.

فەرماندەی گشتیی ئەرتەشی ئێران ئاماژەی بە جێگیربوونی کەشتییەکی دیکەی فڕۆکەهەڵگری ئەمریکا لە ناوچەکە کرد و رایگەیاند: "ئێمە بەوپەری وریایی و وردبینییەوە چاودێریی جموجۆڵەکانی دووژمن دەکەین و تەنانەت ساتێکیش بۆ خۆئامادەکردن لەدەست نادەین. سەرجەم هێزەکانی ئەرتەش، بە هێزەکانی وشکانی، دەریایی، ئاسمانی و بەرگریی ئاسمانییەوە، وێڕای چاودێریکردنی دووژمن، ئامادەکارییەکانیان سات بە سات بەرز دەکەنەوە."

ئەمیر حاتەمی هۆشداریش دەدات، لە ئەگەری هەر هەڵەیەکی بەرامبەر، وەڵامێکی زۆر تووندتر و بەهێزتریان دەبێت.

فەرماندەی گشتیی ئەرتەشی ئێران دەڵێت: "ئەگەر دوژمن هەڵە بکات و ئەو کارەی کە جارێک کردی و خۆی خستە تەنگژەوە دووبارەی بکاتەوە، بێگومان بە شێوەیەکی تووندتر، بەهێزتر و بەبێ هیچ سنوورێکی جوگرافی رووبەڕووی خۆی و لایەنگرانی دەبینەوە."

قسەکانی ئەو بەرپرسە باڵایە سەربازییەی ئێران لە کاتێکدایە، کە کەشتیی فڕۆکەهەڵگری یوو ئێس ئێس تیۆدۆر رۆزڤێڵت گەیشتووەتە ناوچەکە. بەمەش ژمارەی کەشتییە فڕۆکەهەڵگرەکانی ئەمریکا لە ناوچەی رۆژهەڵاتی ناوەڕاست دەبێتە سێ کەشتی.

هەروەها چەند رۆژێکە گرژییەکانی نێوان ئێران و ئەمریکا زیادیان کردووە؛ ئێران لە چەند رۆژی رابردوودا بە درۆن و مووشەک هێرشی کردووەتە سەر بنکە سەربازییەکانی ئەمریکا لە بەحرێن و کوێت، لە بەرامبەریشدا ئەمریکا دوورگەی قیشم و بەندەری سیریکی لە پارێزگای هورمزگان بۆردوومان کردووە.

بابەتی پەیوەندیدار

گرۆسی: هیچ زانیارییەکمان لەسەر بەرنامە ئەتۆمییەکەی ئێران نییە
ئێران19-11-2026

گرۆسی: هیچ زانیارییەکمان لەسەر بەرنامە ئەتۆمییەکەی ئێران نییە

لە سنووری بانە شەڕ لەنێوان هێزەکانی ئێران و پژاکدا روویدا؛ سەربازێک کوژراوە
ئێران18-11-2026

لە سنووری بانە شەڕ لەنێوان هێزەکانی ئێران و پژاکدا روویدا؛ سەربازێک کوژراوە

یەک دۆلار بە 267,400 تمەن مامەڵەی پێوەدەکرێت
ئێران18-11-2026

یەک دۆلار بە 267,400 تمەن مامەڵەی پێوەدەکرێت

پێشنیازەکان

ئەمەنەش ببینە