ئیسماعیل بێشکچی لە گۆرانییەکی کوردیدا بەشداری دەکات

رووداو - هەولێر 

نوێترین کلیپی گۆرانی گۆرانیبێژی بەنێوبانگی باکووری کوردستان نیزامەدین ئاریچ بەناوی "ئەز زانم کوردستان چێبێ" بڵاوکرایەوە، کە لە گۆرانییەکەدا نووسەر و بیرمەندی تورک و دۆستی کورد ئیسماعیل بێشکچی بەشداری دەکات.

نیزامەدین ئاریچ، لە کوردستان بە فەقێی تەیران ناسراوە، تێکستێکی ئەسکێرێ بۆییک بەناوی "ئەز زانم کوردستان چێبێ" دەکاتە گۆرانیی و لە کلیپی گۆرانییەکەشدا ئیسماعیل بێشکچی، نووسەری بەنێوبانگی دۆستی کورد بە کوردی بەشێک لە تێکستەکە دەخوێنێتەوە.

لە کلیپی گۆرانییەکەدا، ژمارەیەک منداڵی کورد وەک کۆرس بەشداری دەکەن و گۆرانییەکە دەڵێنەوە، وێنە و تابلۆی ژمارەیەک کەسایەتی مێژوویی کوردستان بەکارهێنراوە، ئیسماعیل بێشکچێ لە گۆرانییەکە دەڵێت "ئەمڕۆ بێت یان سبەی بێت، دەزانم کوردستان دروست دەبێت".

نیزامەدین ئاریچ، گۆرانیبێژ و سینەماکاری بەنێوبانگی لە ساڵی 1956 لە باکووری کوردستان لە دایکبووە، ماوەی 36 ساڵە لە ئەڵمانیا ژیان بەسەر دەبات.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger