کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

کەیوان کەریمی، دەرهێنەری کوردی رۆژهەڵاتی کوردستان

کەیوان کەریمی، دەرهێنەری کوردی رۆژهەڵاتی کوردستان

culture

کەیوان کەریمی لەبارەی سزادانی بۆ رووداو دەدوێت

ئومێد بەرین

ئومێد بەرین

15-10-2015
گوێبگرە
0:00
0:00
قەبارەی دەق
ئومێد بەرین
ئومێد بەرین15-10-2015

بابەتی پەیوەندیدار

ترەمپ هەڕەشەی دەستپێکردنەوەی جەنگی ئێران دەکات
رۆژهەڵاتی نێوەڕاست22-11-2026

ترەمپ هەڕەشەی دەستپێکردنەوەی جەنگی ئێران دەکات

چیرۆکی دوو خوشک کە لە کەلاوەیەکی تاسڵوجە دەژین
کوردستان22-11-2026

چیرۆکی دوو خوشک کە لە کەلاوەیەکی تاسڵوجە دەژین

بلاک فرایدەی ئەم ساڵ و فرۆشی یەک تریلیۆن دۆلاری
جیهان22-11-2026

بلاک فرایدەی ئەم ساڵ و فرۆشی یەک تریلیۆن دۆلاری

رووداو- هەولێر

کەیوان کەریمی، دەرهێنەری کوردی رۆژهەڵاتی کوردستان لەلایەن لقی 28ی دادگای شۆڕشی تارانی پایتەختی ئێرانەوە، بەسەرۆکایەتی دادوەر محەممەد مۆقیسە، بە شەش ساڵ زیندانی و لێدانی 223 قامچی سزادرا، تاوانی ناوبراو  بە "بێڕێزی بە پیرۆزییەکان و، پەیوەندی ناشەعی لەڕێی تەوقەكردن و ماچەوە" راگەیێندراوە .

کەیوان کەریمی رۆژی پێنجشەممە 15 ی تشرینی یەكەمی 2015 لە پەیوەندییەکدا لەگەڵ تۆڕی میدیایی رووداو، وێڕای رەتکردنەوەی تۆمەتەکانی دادگا گوتی: " من فیلمم سەبارەت بە حکومەت، بارودۆخی کۆمەڵگە، نووسینی سەر دیوارەکان و چینی کرێکار دروستکردووە، ئەوە خەڵکن کە دەبێ لەسەر بەرهەمەکانی من بڕیاربدەن، نازانم چی روویداوە کە من بەو شێوەیە سزادەدرێم " .



ئەمیر رەئیسیان، پارێزەری کەیوان کەریمی سەبارەت بە دۆسیەی ناوبراو بە تۆڕی میدیایی رووداوی گوت " یەکێک لەو تۆمەتانەی دراوەتە پاڵ کەریمی بێڕێزیكردنە بە پیرۆزییەکان، بەهۆکاری ئەوەی ویستوویەتی کلیپێک دروستبکات، بەڵام بەهۆی ئەوەی لەگەڵ لایەنی بەرامبەر نەگەیشتووەتە رێککەوتن ئەو کلیپەی دروستنەکردووە، بەڵام دادگا خوێندنەوەی وایە کە کەریمی تووشی بێڕێزی بە پیرۆزییەکان بووە، لەکاتێکدا کە ئەو کلیپە دروستنەکراوە، ئێمەش لە دادگا ئەوەمان گوتووە کە لە بنەڕەتدا ئەو کارە ئەنجامنەدراوە و ناکرێ بۆ کارێک کە نەکراوە کەسێک سزابدەی، ئەو پێشنیازەش کە بە کەریمی دراوە، پەیوەندی بە بێرێزیکردن بە پیرۆزییەکانەوە نییە ".

بەپێی زانیارییەکانی رووداو، پێشنیازی بەرهەمهێنانی ئەو کلیپە لەلایەن شاهین نەجەفی، گۆرانیبێژی فارسەوە بە کەیوان کەریمی دراوە،  بەڵام ناوبراو ئەو پێشنیازەی رەتکردووەتەوە.

بەگوتەی ئەمیر رەئیسیان، یەکێکی دیکە لەو کارانەی کە لە دۆسیەی کەیواندا ئاماژەی پێکراوە، فیلمی دۆکیۆمێنتاری "دیوار" بووە، ناوبراو لەو بوارەوە بە تۆڕی میدیایی رووداوی گوت " فیلمی دیوار تایبەتە بە مێژووی گرافیتی واتە دیوارنووسی لە تاران و هیچ پەیوەندییەکی بە بێڕێزیکردن بە پیرۆزییەکانەوە نییە ". هەروەها بەگوتەی پارێزەری رەئیسیان، کەیوان کەریمی بە تاوانی پەیوەندی ناشەرعی لەڕێی "ماچ و دەستلێدانەوە لەگەڵ کەسی نامەحرەم" ، بە لێدانی 223 قامچی سزادراوە.



کەیوان کەریمی لەدایکبووی ساڵی 1985ی زایینی لە شاری بانەی پارێزگای سنەی رۆژهەڵاتی کوردستانە ، فیلمی "سنووری شکاو"  کە باس لە باردۆخی کاسبکارانی کورد لەسەر سنووری نێوان باشوور و رۆژهەڵاتی کوردستان دەکات، فیلمی "ژن و مێرد" لە نووسینی ئیتالۆ کالوینۆ نووسەری ئیتاڵیایی و فیلمی داکیۆمێنتاری "دیوار" کە باسی مێژووی دیوارنووسی لە تاران دەکات،  لەناودارترین کارەکانی ئەو سنەماكارە كوردەن، ناوبراو تا ئێستا دەیان خەڵاتی نێودەوڵەتی بەدەستهێناون.



بابەتی پەیوەندیدار

ترەمپ هەڕەشەی دەستپێکردنەوەی جەنگی ئێران دەکات
رۆژهەڵاتی نێوەڕاست22-11-2026

ترەمپ هەڕەشەی دەستپێکردنەوەی جەنگی ئێران دەکات

چیرۆکی دوو خوشک کە لە کەلاوەیەکی تاسڵوجە دەژین
کوردستان22-11-2026

چیرۆکی دوو خوشک کە لە کەلاوەیەکی تاسڵوجە دەژین

بلاک فرایدەی ئەم ساڵ و فرۆشی یەک تریلیۆن دۆلاری
جیهان22-11-2026

بلاک فرایدەی ئەم ساڵ و فرۆشی یەک تریلیۆن دۆلاری

پێشنیازەکان

ئەمەنەش ببینە