كاركردن لەسەر گۆرانییە فۆلكلۆرییەكان و داڕشتنەوەیان لە فۆرمێكی نوێدا، بووەتە نەریتێكی نوێی هونەرمەندانی تاراوگەنشین
رووداو-هەولێر
پیانۆژەنێكی كوردی دانیشتووی سوید، بەناوی سامان تەها، گۆرانییەکی حەسەن زیرەكی لە فۆرمی میوزیكی رۆك، بەشێوازێکی نوێ بەرهەمهێناوە، کە بۆ یەكەمجار لە رێگەی رووداو بڵاوی دەكاتەوە، لەمبارییەوە ڤیتییەک دەبینین.
كاركردن لەسەر گۆرانییە فۆلكلۆرییەكان و داڕشتنەوەیان لە فۆرمێكی نوێدا، بووەتە نەریتێكی نوێی هونەرمەندانی تاراوگەنشین. هەندێكیان بە جاز، بەشێكیان وەك سیمفۆنیا و لە نێویشیاندا پیانۆژەنێكی كوردی دانیشتووی سوید بەناوی سامان تەها، گۆرانییەکی حەسەن زیرەكی لە فۆرمی میوزیكی رۆك، بۆ یەكەمجار لە رێگەی رووداو بڵاوی دەكاتەوە.
ئەو جەخت لەوەش دەكاتەوە، كارەكانی حەسەن زیرەك تەنیا بەشێك نییە لە یادگارییەكان، بەڵكو دەنگێكە بۆ هەموو نەوەكان. ئەو شانازی بەوەوە دەكات لە ماڵەكەی و لە كونجی ژوورێكی بچووكیدا داهێنانەكانی دەكات، بەتایبەت بۆ كارێكی تایبەتی لەو شێوەیە، كە زیندووكردنەوەی ئاوازەكانی حەسەن زیرەكە و لای ئەو زۆر گەورەیە. بەڵام لە ستۆدیۆیەك تەواویان دەكات، كە هەمان ئەو ستۆدیۆیەیە گۆرانیبێژە جیهانییەكان كاری لێ دەكەن.
سامان تەها زیاتر لە دە ساڵە لە وڵاتی سوێد دەژی و لە بواری میوزیك، دابەشكردن و ئاواز دانان و ژەنینی پیانۆ پسپۆڕە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ