هەڵەیەک روویدا! دووبارە هەوڵبدە
پزیشکێک چووەتە سەر تەختی نەخۆشەکە و سینگەدڵە بووژاندنەوەی بۆ گەنجەکە دەکات..
رووداو - تەندروستی
گەنجێک لە نەخۆشخانەی شەهید خالید گەرمیانی لە کفری ژیانی بۆ دەگەڕێندرێتەوە، بەپێی تەندروستیی گەرمیان، 20 خولەک سینگەدڵە بووژاندنەوەیان بۆ کردووە و سێ جاریش کارەبا ''DC shock''ـیان لێداوە.
ئەمڕۆ پێنجشەممە 3-7-2025 د. سامان سەرتیپ، بەڕێوەبەری نەخۆشخانەی فێرکاریی گشتیی شەهید خالید گەرمیانی لە کفری بە رووداوی راگەیاند، کۆتا رۆژی مانگی رابردوو ئەو گەنجە لەکاتی کارکردندا کارەبا لێیداوە و دڵی وەستاوە، بەڵام کە هێناویانە بۆ فریاکەوتن بە پەرستار و پزیشکانی خولاوەوە سینگەدڵە بووژاندنەوەیان بۆ کردووە و سێ جاریش کارەبایان لێداوە، ئیجا دڵی کەوتووەتەوە کار.
د. سامان سەرتیپ دەڵێت: بە ئەمبوڵانس لەگەڵ تیمێکی پزیشکیی نەخۆشخانەکەمان رەوانەی نەخۆشخانەی شار لە سلێمانی کرا و ئەمڕۆ بە تەندروستییەوە دێتەوە نێو ماڵباتەکەی.
بەڕێوەبەری نەخۆشانەکە گوتی، بەشەکانی فریاکەوتن هەستیارن و رۆژانە چەندان کەیسی لەو جۆرە کە لێوانلێون لە مەرگ، ژیانیان پێدەبەخشرێتەوە. هەربۆیە داوا لە هاونیشتمانییان دەکات، بۆ حاڵەتی ئاسایی و سادە نەیەنە فریاکەوتنەکان بۆ ئەوەی قەرەباڵخی دروست نەکەن.
کەسێک جەڵتە لێیدا و دڵی لەکارکەوت، بەم شێوەیە سینگەدڵە بووژاندنەوەی بۆ بکە تاوەکو تیمی فریاکەوتن دەگات؛
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ