هەڵەیەک روویدا! دووبارە هەوڵبدە
رووداو - تەندروستی
پسپۆڕ و ئەندازیارێکی خۆراک هۆشداری دەداتە هاونیشتمانییان لەبارەی هەڵەیەک کە لەکاتی لێنانی برنجدا دەکرێت و دەڵێ، دەبێتە هۆی شێرپەنجە. پسۆڕێکی دیکەش زیانێکی مەترسیداری لەنێو خانمان باس کرد.
ئەمڕۆ سێشەممە 14-4-2026 لەشکر حەمید، پسپۆڕی خۆراک بە رووداوی راگەیاند، زۆرجار بۆ لێنانی برنج یاخود شلە نایلۆن و سفرەی سەفەری بۆ سەری مەنجەڵ بەکاردێت تاوەکو هەوا نەدات. ئەمەش لەڕووی تەندروستییەوە زیانی هەیە.
لەشکر حەمید روونی دەکاتەوە، ئەو نایلۆنە تەنکە و کاتێک بەر ئەو پلە گەرمییە زۆرە دەکەوێت، مادەکانی نێوی شیدەبنەوە کە یەکێکیان مادەی بیسفینۆڵ Aـیە و تێکەڵی خۆراکەکە دەبێت و لەکاتی خواردنی دەچێتە جەستەوە.
ئەو مادەیەش هۆکارێکە بۆ
- تێکچوونی هۆڕمۆنەکان
- ناڕێکیی گەشە
- دواکەوتنی ئاستی ژیری
- ناڕێکیی فەرمانەکانی مێشک
- زوو تووشبوون بە شەکرە و بەرزەپەستانی خوێن ''زەخت''
- شێرپەنجە
هەر ئەمڕۆ د. رۆندک ئەحمەد، پسپۆڕی بایۆکیمیستری و سەرۆکی بەشی خۆراکزانی و پارێزی لە زانکۆی هەولێری پزیشکی بە رووداوی رایگەیاند، مادەی زیانبەخش لەنێو هەر جۆرە نایلۆنێک هەیە کە بەرگەی پلەی گەرمیی بەرز نەگرێت، چونکە شیدەبێتەوە و تێکەڵ بە خۆراک و ژینگە دەبێت.
د. رۆندک ئەحمەد دەڵێت: ئەگەر (بەزۆری) ئەو نایلۆنە یاخود ئەو پلاستیکانەی بەر پلەی گەرمیی بەرز دەکەون و بەکاربێن و ئەو خۆراکەش بخورێت کە بەر ئەو نایلۆنانە کەوتووە، ئەوا دەشێت هۆڕمۆنەکان تێکبدەن و لە خانمانیش کیسی هێلکەدان دروستبکەن.
هەر بۆیە پێشنیاز دەکات، پەڕۆ یاخود سەرقاپی سلیکۆنی بۆ سەری مەنجەڵ بەکاربێت، ئەمەش لەبری ئەو نایلۆنەی کە دەکرێتە سەر مەنجەڵ.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ