هەڵەیەک روویدا! دووبارە هەوڵبدە
پڕۆفیسۆر د. جۆسێپی سانتۆرۆ، پسپۆڕی ئیتاڵیی نەخۆشییەکانی دڵ و قەستەرە
رووداو - تەندروستی
یەکێک لە پزیشکانی ئەو تیمە ئیتاڵییەی بە هاوئاهەنگیی رێکخراوی هێڤی و بە پاڵپشتیی سەرۆکی هەرێمی کوردستان پشکنین و چارەسەر بۆ منداڵانی تووشبووی نەخۆشییە سکمکاییەکانی دڵ دەکەن دەڵێت: پزیشکانی هەرێمی کوردستان دەتوانن هەموو ئەو کارانەی ئێمە دەیکەین، بە ئاسایی ئەنجامی بدەن و ئەوانیش بیکەن.
پڕۆفیسۆر د. جۆسێپی سانتۆرۆ، پسپۆڕی ئیتاڵیی نەخۆشییەکانی دڵ و قەستەرە لە چاوپێکەوتنێکدا لەگەڵ دکتۆر لونا خالید، پێشکێشکاری تەندروستیی رووداو گوتی، ''دەبێت توانایەکی نێوخۆیی باش هەبێت بۆ چارەسەرکردنی نەخۆشەکان بەتایبەت نەخۆشیی سکماکییەکانی دڵ''.
ئەو تیمە ئیتاڵییە پشکنین، قەستەرە و نەشتەرگەرییان بە هاوبەشی لەگەڵ پسپۆڕانی کورد لە دهۆک بۆ دەیان منداڵ کردووە و دەڵێت: زۆربەی کارەکان لەلایەن پسپۆڕانی کوردەوە دەکرێن و ئێمە تەنیا هەندێک کێشەیان بۆ راست دەکەینەوە، واشیان لێدەکەین کە بتوانن خۆیان چارەسەرەکان بکەن.
ئەو پزیشکە لەبارەی ناڕێکییە سکماکییەکانی دڵی منداڵانەوە باسی نیشانەکانی ناسینەوە دەکات و دەڵێت: منداڵەکە چەند کونێک لەنێو دڵیدا هەیە و دەکرێت بە ناڕێکیی فەرمانەکانی دڵ دەستپێبکات، هەروەها توانای وەرزش و گەشەیان کەم دەبێتەوە و زیاتریش تووشی هەوکردنی سییەکان دەبن.
رێکخراوی هیڤی دەڵێ، تیمێکی پسپۆڕی ئیتاڵی بۆ پشکنین و چارەسەری دڵی منداڵان گەیشتووەتە پارێزگای دهۆک. تیمەکە بە پشتیوانیی نێچیرڤان بارزانی، سەرۆکی هەرێمی کوردستان، لە 8 رۆژدا دەیان "قەستەرە و هێڵکاریی دڵ" بۆ ئەو منداڵانە دەکات کە بە سکماکی کێشەی دڵیان هەیە.
لەبارەی ئەو پڕۆژەیە زیاتر بخوێنەرەوە.
ئەو بڕگە مەیدانییە ببینە کە لەبارەی کارەکانی رێکخراوی هیڤییە و دوو نەخۆشیش چاوپێکەوتنیان لەگەڵدا کراوە.
ئەو بڕگە مەیدانییە ببینە کە لەبارەی کارەکانی رێکخراوی هیڤییە و دوو نەخۆشیش چاوپێکەوتنیان لەگەڵدا کراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ