کوردانی حەلەب لە ترسی شەڕ بە گەورە و بچووکەوە...

گالەری

کوردانی حەلەب لە ترسی شەڕ بە گەورە و بچووکەوە گەڕەکەکانیان جێدەهێڵن

دوێنێ کاژێر 04:37

10 Photos

رووداو دیجیتاڵ @Rudawkurdish

دانیشتووانی گەڕەکە کوردنشینەکانی حەلەب بەهۆی مەترسیی شەڕ، بە کاروان گەڕەکەکانیان جێدەهێڵن.

دوای بەردەوامی شەڕ و پێکدادانەکان، لەنێوان هێزەکانی ئاسایشی ناوخۆ و سوپای سووریای عەرەبی، سوپاکە داوای چۆڵکردنی گەڕەکە کوردییەکانی شێخ مەقسوود و ئەشرەفییەی کرد.

بەگوێرەی ڤیدیۆ بڵاوکراوەکانی تۆڕە کۆمەڵایەتییەکان، سوپای سووریای عەرەبی بە چەکی قورس لەنێویاندا بە تانک هێرشدەکەنە سەر گەڕەکە کوردییەکان.

لە وێنەکان دەردەکەوێت، کوردانی ئەو گەڕەکانە، بە گەورە و بچووکەوە ناوچەکە جێدەهێڵن و ئاژەڵەکانیشیان لەگەڵ خۆیان بردووە.

هێزەکانی سووریای دیموکرات- هەسەدە رایگەیاندووە، بەهۆی هێرشەکانی سوپای عەرەبی سووری 7 کەس کوژراون و 52ـی دیکەش بریندار بوون، تەندروستیی حەلەبیش دەڵێت، هەسەدە 4 کەسی کوشتووە و 18ـی دیکەی بریندارکردووە.