زانکۆی سلێمانی: بە یەکەمی ئاستی عێراق دیاریکراین

لە راگەیێندراوێکدا زانکۆی سلێمانی رایگەیاند، زانکۆکە بۆ جاری دووەم و لەسەر یەک لە (ریزبەندیی زانکۆکانی جیهان 2026)ی دامەزراوەی تایمزی بەریتانیدا، پلەی یەکەم لەسەر ئاستی زانکۆکانی سەرتاسەری عێراق و پلەی 1001 – 1200ـی لە کۆی 2191 زانکۆی ریزبەندکراوی جیهان بەدەست دەهێنێت.

راگەیێندراوەکە ئەمڕۆ پێنجشەممە بڵاوکراوەتەوە و تێیدا هاتووە: "لە سەرانسەری وڵاتدا، تەنیا 25 زانکۆ، لەبەرئەوەی مەرجەکانی شیاوبوونیان تێدایە ریزبەندییان بۆ کراوە. زانکۆ بەشداربووەکانی دیکە کە ژمارەیان 65 زانکۆیە ریزبەندییان بۆ نەکراوە و تەنیا بە "Reporter" ناسێندراون".

د. یۆهان عوسمان، بەڕێوەبەری راگەیاندنی زانکۆی سلێمانی بە تۆڕی میدیایی رووداوی گوت: "ئەو پلەیە بۆ زانکۆکەمان گرنگیی زۆری هەیە، بەتایبەت کە زانکۆکانی جیهان سەیری پلەبەندی زانکۆکان دەکەن زیاتر هەوڵی پەیوەندی و رێککەوتن و لێکنزیککردنەوە دەدەن".

بە گوتەی بەڕێوەبەری زانکۆکە، بەرزبوونی پلەی زانکۆی سلێمانی لە پلەبەندیی جیهانیدا و یەکەمبوونیان لە عێراق دەبێتە هۆکارێک بۆ خوێندکارانی وڵاتانی جیهان روو لە زانکۆکە بکەن.

- ژینگەی فێربوون

- رێژەی خوێندکارانی دکتۆرا بە بەراورد بە بەکالۆریۆس

- رێژەی مامۆستایانی هەڵگری بڕوانامەی دکتۆرا

- داهاتی زانکۆ

- ژمارەی توێژینەوە

- پارەی تەرخانکراو بۆ توێژینەوە

- رێژەی خوێندکاران بەبەراورد بە مامۆستایان

- ناوبانگ لە وانە گوتنەوەدا (لەڕێی راپرسییەوە وەردەگیرێت)

- ژینگەی توێژینەوە

- نێوبانگی توێژینەوە (لە رێگەی راپرسییەوە وەردەگیرێت)

- کواڵیتی توێژینەوە

- گواستنەوەی زانیاری

- بەنێودەوڵەتیبوون

- کاریگەریی ئاماژەپێدان

- بەهێزیی توێژینەوە

- ئاستبەرزیی توێژینەوە

- کاریگەریی توێژینەوە

- بەڵگەنامەی مافی خاوەندارێتی

- بەخشینی دارایی بۆ توێژینەوە

- توێژینەوەی هاوبەشی نێودەوڵەتی

- ستافی وانەبێژی نێودەوڵەتی

- خوێندکارانی نێودەوڵەتی

- ژمارەی ئەو خوێندکارانەی لە دەرەوەی وڵات دەخوێنن