هەڵەیەک روویدا! دووبارە هەوڵبدە
دیمەنی بۆردوومانەکە.
رووداو دیجیتاڵ
بەیانیی ئەمڕۆ فڕۆکە جەنگییەکانی تورکیا چوار شوێنیان لە زنجیرە چیای گارە و مەتین بۆردوومانکرد.
فایەق بیرکاهینی، هاونیشتمانییەکی گوندی بەلاڤە لە دەڤەری ئامێدی بە تۆڕی میدیای رووداوی راگەیاند، تورکیا سێ شوێنێ لە دەڤەری بەرێ گارەی و شوێنێکی دیکەی لە زنجیرە چیای مەتین بۆردوومانکردووە.
ماوەی نزیکەی مانگێكە تورکیا بۆردوومانەکانی لە سنووری قەزای ئامێدی و ئاکرێ چڕترکردووەتەوە و رۆژانە زنجیرە چیای مەتین و گارە لە ئامێدی و دەڤەری زێبار لە ناحیەی دینارتەی سەر بە قەزا ئاکرێ بۆردووماندەکات.
فایەق بەلاڤەیی کە ڤیدیۆی بۆردوومانەکەی بۆ رووداو ناردووە، ئاماژەی بەوە کرد بۆردوومانەکان لە سنووری گوندی گرگاش و سپیندارێ و ناوچەی زێبار لە زنجیرە چیای گارە و لووتکەی چیای مەتین لە نزیک گوندی بەلاڤە بوونە. ترس و دڵەڕاوکێش لای خەڵکی سنوورەکە دروستبووە.
سەبارەت بە زیانی بۆردوومانەکە، ئەو هاونیشتیمانییە گوتی، شوێنی بۆردوومانەکان پێنج بۆ حەوت کیلۆمەتر لە گوندەکان دوور بوون. ئەو شوێنانە دەکەونە ناوچەی قەدەخەکراو، بۆیە زیانەکان نازانرێت و کەسی سڤیل ناتوانێت بگاتە شوێنی بۆردوومانەکان.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ