کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

عێراق

زیاتر لە 763 هەزار ئاوارەی عێراقی لە هەرێمی کوردستانن

فەلاح نەجم

فەلاح نەجم

13-08-2019
گوێبگرە
0:00
0:00
قەبارەی دەق
فەلاح نەجم
فەلاح نەجم13-08-2019

بابەتی پەیوەندیدار

زەیدی پەیامێک ئاراستەی ئەو هێزانە دەکات کە چوونەتە نێو جورف سەخر
عێراق20-11-2026

زەیدی پەیامێک ئاراستەی ئەو هێزانە دەکات کە چوونەتە نێو جورف سەخر

سەعد مەعن: حیزبوڵڵا بە قۆناخبەندى دەکشێتەوە
عێراق20-11-2026

سەعد مەعن: حیزبوڵڵا بە قۆناخبەندى دەکشێتەوە

وەزیری گەشتوگوزاری عێراق: زانکۆیەکی ئەمریکی داوای پشکنینی شوێنەوارەکانی جورف نەسر دەکات
عێراق20-11-2026

وەزیری گەشتوگوزاری عێراق: زانکۆیەکی ئەمریکی داوای پشکنینی شوێنەوارەکانی جورف نەسر دەکات


رووداو - هەولێر 

سەنتەری هەماهەنگی قەیرانەکان نوێترین ئاماری ژمارەی ئاوارەکانی لە هەرێمی کوردستان بڵاوکردەوە و رایگەیاند، تاوەکو ئێستا 763 هەزار و 277 ئاوارەی عێراقی کە بەهۆی شەڕی داعشەوە ئاوارەببوون، لە هەرێمی کوردستانن و ئامادەنین بگەڕینەوە ناوچەکانی خۆیان لە پارێزگاکانی سەڵاحەددین، نەینەوا و ئەنبار. 

هەرچەندە لە کۆتایی ساڵی 2017ـەوە هیچ شار و شارۆچکەیەکی عێراق لەژیر دەستی داعش نەماون، بەڵام بەشێک لە ئاوارەکانی نەینەوا، سەڵاحەددین و ئەنبار چەند ناوچەیەکی دیکە نەگەڕاونەتەوە شوێنەکانی خۆیان، بەشێک لەو ئاوارانەی کە گەڕابوونەوە ناوچەکانیان دووبارە دەگەڕێنەوە کەمپەکانی هەرێمی کوردستان، ئەوەش وادەکات سەتان هەزار ئاوارە لە دەنگدان لە هەڵبژاردنی پارێزگاکانی عێراق بێبەش بن.

هۆشەنگ محەممەد، سەرۆکی سەنتەری هەماهەنگی قەیران لە وەزارەتی ناوخۆی هەرێمی کوردستان بە تۆڕی میدیایی رووداوی راگەیاند، تەنیا لەماوەی شەش مانگی رابردوو حەوت هەزار و 195 ئاوارە کە نزیکەی هەزار و 431 خێزانن کە دوای شەڕی داعش گەڕابوونەوە ناوچەکانیان، دووبارە ئاوارەی کەمپەکانی هەرێمی کوردستان بوونەتەوە.

سەرۆکی سەنتەری هەماهەنگی قەیران ئاماژەی بەوەکرد، هۆکاری سەرەکی گەڕانەوەی ئاوارەکان بۆ کەمپەکان جموجووڵی چەکدارانی داعشە و گرووپە چەکدارەکان و کێشەی کەمی خزمەتگوزارییە.

کۆمیسیۆنی باڵای سەربەخۆی هەڵبژارنەکانی عێراق ئامادەکاری دەکات بۆ ئەنجامدانی هەڵبژاردن بەپێی یاسای نوێی هەڵبژاردنی ئەنجوومەنی پارێزگاکان هەرئاوارەیەک بیەوێ دەنگبدات دەبێت بگەڕێتەوە ناوچەکەی خۆی.

رزگار حاجی حەمە، جێگری سەرۆکی کۆمیسیۆنی باڵای سەربەخۆی هەڵبژاردنەکانی عێراق بە تۆڕی میدیایی رووداوی راگەیاند، بەپێی یاسای هەڵبژاردنی ئەنجوومەنی پارێزگاکان، هەموو دەنگدەرێک لەکاتی دەنگدان دەبێت دوو بەڵگەنامەی فەرمی و کارتی بایۆمەتری دەنگدانی سەر بەو پارێزگایەی پێبێت کە دەنگی تێدا دەدات، بەو هۆیەوە هەر ئاوارەیەک بیەوێت دەنگبدات دەبێت بگەڕێتەوە ناوچەکەی خۆی.

بەپێی ئامارێکی سەنتەری هەماهەنگی قەیران کە لە مانگی حوزەیرانی ئەمساڵ بڵاوکراوەتەوە، 763 هەزار و 277  ئاوارەی عێراقی کە بەهۆی شەڕی داعش ئاوارەی هەرێمی کوردستان بوون نەگەڕاونەتەوە ناوچەکانی خۆیان لەناو شار و شارۆچکەکان یان کەمپەکانی هەرێمی کوردستان نیشتەجێبوون.

بابەتی پەیوەندیدار

زەیدی پەیامێک ئاراستەی ئەو هێزانە دەکات کە چوونەتە نێو جورف سەخر
عێراق20-11-2026

زەیدی پەیامێک ئاراستەی ئەو هێزانە دەکات کە چوونەتە نێو جورف سەخر

سەعد مەعن: حیزبوڵڵا بە قۆناخبەندى دەکشێتەوە
عێراق20-11-2026

سەعد مەعن: حیزبوڵڵا بە قۆناخبەندى دەکشێتەوە

وەزیری گەشتوگوزاری عێراق: زانکۆیەکی ئەمریکی داوای پشکنینی شوێنەوارەکانی جورف نەسر دەکات
عێراق20-11-2026

وەزیری گەشتوگوزاری عێراق: زانکۆیەکی ئەمریکی داوای پشکنینی شوێنەوارەکانی جورف نەسر دەکات

پێشنیازەکان

ئەمەنەش ببینە