رەنجە جەمال، لە نووسینگەی کۆمیسیۆنەوە زانیاری دەدات
رووداو دیجیتاڵ
لە نووسینگەی هەولێری کۆمیسیۆنی هەڵبژاردنەکانی عێراق، ئەمڕۆ یەکەم هاوپەیمانیی بۆ بەشداریکردن لە هەڵبژاردنی پەرلەمانی کوردستان تۆمارکرا.
هاوپەیمانییەکە بەناوی سەردەم ـە و لەنێوان لایەنەکانی پارتی رەنجدەرانی کوردستان، یەکێتیی نەتەوەیی دیموکراتی کوردستان، پارتی پارێزگارانە و عەبدوڵڵای حاجی مەحموود، دەبێتە سەرۆکی هاوپەیمانییەکە.
بەپێی زانیارییەکانی رەنجە جەمال، پەیامنێری رووداو لە هەولێر "کەمێکی دیکەش رێگەپێدراوی هاوپەیمانیێکی دیکە دەگاتە نووسینگەی هەولێری کۆمیسیۆن بۆ تۆمارکردنی ناوی هاوپەیمانیی کوردستانی یان جەماوەر، لەنێوان حیزبی شیوعی، پارتی سۆسیال دیموکرات و زەحمەتکێشانی کوردستان."
رۆژی 3ـی ئاداری 2024، نێچیرڤان بارزانی، سەرۆکی هەرێمی کوردستان بە فەرمانێکی هەرێمی، رۆژی 10ـی حوزەیرانی ئەم ساڵی بۆ بەڕێوەچوونی هەڵبژاردنی پەرلەمانی کوردستان دیاریکرد.
تۆمارکردنی هاوپەیمانیێتییەکان لەکاتێکدایە، بەپێی ئامارەکانی نووسینگەکانی کۆمیسیۆنی باڵای سەربەخۆی هەڵبژاردنی عێراق لە هەرێمی کوردستان، تاوەکو رۆژی چوارشەممە 85 بەربژێری تاک فۆرمی خۆبەربژێرکردنیان بۆ هەڵبژاردنی خولی شەشەمی پەرلەمانی کوردستان وەرگرتووە و، بەشێکیان فۆرمەکەیان گەڕاندووەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ