12 ساڵ لەمەوبەر بەهۆی چوار تەقینەوە، 312 کەس شەهید بوون
رووداو - شنگال
کوردانی ئێزدی یادی کۆمەڵکوژییەکەی گرعوزێر و سیبا شێخ خدر دەکەنەوە، کە لەو رۆژەدا بەهۆی چوار تەقینەوە، زیاتر لە 300 کەس شەهید بوون و زیاتر لە 500 کەسی دیکەش برینداربوون.
لە کاژێر 07:00ـی ئێوارەی رۆژی 14-8-2007، سێ بارهەڵگر و ئۆتۆمبێلێکی بۆمبڕێژکراو لەنێو ناحیەی گرعوزێر و سیبا شێخ خدر تەقینەوە، بەهۆیانەوە 312 کەس شەهید بوون و، زیاتر لە 500 کەسیش بریندار بوون، تاوەکو ئێستاش زیاتر لە 70 کەس لەو رووداوە بێسەروشوێنن، کە هەموویان خەڵکی ناحیەی گرعوزێر و کۆمەڵگەی سیبا شێخ خدر بوون.
بۆ رێزگرتن لە گیانی قوربانییەکانیان، بڕیارە ئێوارەی ئەمڕۆ کەسوکاری قوربانیان لە شوێنی رووداوەکە چەند خولەکێک بەبێ دەنگی بووەستن و یادی ئەو رۆژە بکەنەوە.
لەدوای ئەو کارەساتەی بەسەر ئێزدییەکاندا هات، حکومەتی هەرێمی کوردستان قوربانییانی ئەو رووداوەی بە شەهید ئەژمار کرد، بەڵام لەلایەن حکومەتی عێراقەوە تاوەکو ئێستا وەکو شەهید قبووڵ نەکراون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ