رووداو دیجیتاڵ
سەرۆکی هەرێمی کوردستان پەیامێکی لەبارەی هێرشە مووشەکییەکەی سەر هەولێر بڵاوکردەوە و هێرشەکە بە "تیرۆریستی" ناودەبات و بە تووندی سەركۆنەی دەكات. داواش دەکات "بهپهله ليژنهيهكى هاوبهشى لێكۆڵينهوهى حكومهتى ههرێمى كوردستان و حكومهتى فيدراڵ دهستبهكار بێت و به زووترين كات هێرشكاران بدۆزرێنهوه و به سزاى ياسايى بگهيێندرێن."
ئەمڕۆ سێشەممە 16-02-2021 نێچیرڤان بارزانی، سەرۆکی هەرێمی کوردستان پەیامێکی لەبارەی هێرشە مووشەکییەکەی شەوی رابردووی سەر هەولێر بڵاوکردەوە و رایدەگەیێنێت "هێرشی تیرۆریستیی شەوی رابردوو كە بە مووشەك كرایە سەر هەولێر و بووه هۆى گيانلهدهستدانى كەسێك و برينداربوونى نۆ كهسى دیکە كە ژمارهيهكيان ئەمریكین، بە تووندی سەركۆنە و شەرمەزار دەكەین." سەرۆکی هەرێمی کوردستان سەرەخۆشی لە كەسوكاری قوربانييهكه دەکات و هیوای زووچاكبوونەوە بۆ برینداران دەخوازێت.
لە بەشێکی دیکەی پەیامەکەدا سەرۆکی هەرێمی کوردستان داوا لە ئەنجوومەنی ئاسایشی نێودەوڵەتی و نەتەوە یەكگرتووەكان دەکات "مهترسيى ئەو هێرشە زۆر بە جیددی وەربگرن و كار بكەن بۆ رێگرتن لە نەهێشتنی هەڕەشە لەسەر خەڵكی هەرێمی كوردستان لە رێگەی هاندانى حكومەتی عێراقهوه بۆ جێبەجێكردنی دەستووری عێراق و بەتایبەتی ماددەی 140."
نێچیرڤان بارزانی لە پەیامەکەدا داوای کاراکردنەوەی میکانیزمی هەماهەنگی لەگەڵ هەرێمی کوردستان دەکات و داوا لە مستەفا کازمی، سەرۆکوەزیرانی عێراق و فەرماندەیی هێزەكانی هاوپەیمانان لە عێراق دەکات "بە خێرایی ميكانيزمى ههماههنگى لهگهڵ ههرێمى كوردستان كارا بكهنهوه و هێزەكانی ئاسایش و پێشمەرگە لەگەڵ سوپا و دەزگا و هێزە عێراقييهكان بە بەشداريی هاوپەیمانان لەو ناوچەیە، پێكهوه كار بكهن و ههماههنگ بن."
سەرۆکی هەرێمی کوردستان هۆشداریی دەدات لەبارەی بوونی هەندێک هێز و گرووپی چەکداری دەرەوەی دەسەڵاتی حکومەتی عێراق و دەشڵێت "نهبوونى ههماههنگى و هەبوونی ههندێك هێز و گرووپى چهكدارى دهرهوهى فهرمان و دهسهڵاتى حكومهتى فيدراڵ، بوونهته هۆى ئاڵۆزيى ناوچهكه و وایكردووە هەڕەشەیەكی بەردەوام بۆ سەر هەرێمی كوردستان ههبێت. بۆيه داوا له بهڕێز سهرۆكوهزيرانى عێراق دهكهم بهپهله ليژنهيهكى هاوبهشى لێكۆڵينهوهى حكومهتى ههرێمى كوردستان و حكومهتى فيدراڵ دهستبهكار بێت و به زووترين كات هێرشكاران بدۆزرێنهوه و به سزاى ياسايى بگهيێندرێن."
شەوی رابردوو 15-02-2021، بە چەند مووشەکێک هێرشکرایە سەر هەولێر و دەوروبەری، هێرشەکە کاردانەوەی نێوخۆیی و نێودەوڵەتی بەدوای خۆیدا هێنا. جێنین پلاسخارت، نوێنەری سکرتێری گشتیی نەتەوە یەکگرتووەکانیش لە عێراق لە تویتێکدا سەرکۆنەی هێرشەکە دەکات و دەڵێت، ئەو جۆرە کارە قێزەون و بێباکانەیە هەڕەشەی جیددی لەسەر سەقامگیری دروست دەکات.
دەقی پەیامەکەی سەرۆکی هەرێمی کوردستان لەبارەی هێرشە مووشەکییەکەی سەر هەولێر
هێرشی تیرۆریستیی شەوی ڕابردوو كە بە مووشەك كرایە سەر هەولێر و بووه هۆى گيانلهدهستدانى كەسێك و برينداربوونى نۆ كهسى دى كە ژمارهيهكيان ئەمهریكین، بە تووندی سەركۆنە و شەرمەزار دەكەین. سەرەخۆشی لە كەسوكاری قوربانييهكه دەكەین و هیوای زووچاكبوونەوە بۆ برینداران دەخوازین.
داوا لە ئەنجوومەنی ئاسایشی نێودەوڵەتی و نەتەوە یەكگرتووەكان دەكەین مهترسيى ئەو هێرشە زۆر بە جددی وەربگرن و كار بكەن بۆ ڕێگرتن لە نەهێشتنی هەڕەشە لەسەر خەڵكی هەرێمی كوردستان لە ڕێگەی هاندانى حكومەتی عێراقهوه بۆ جێبەجێكردنی دەستووری عێراق و بەتایبەتی مادەی 140.
داوا لە بەڕێز سەرۆكوەزیران و فەرماندەی گشتیی هێزە چەكدارەكانی عێراق و فەرماندەیيی هێزەكانی هاوپەیمانان لە عێراق دەكەم، بە خێرایی ميكانيزمى ههماههنگى لهگهڵ ههرێمى كوردستان كارا بكهنهوه و هێزەكانی ئاسایش و پێشمەرگە لەگەڵ سوپا و دەزگا و هێزە عێراقييهكان بە بەشداريی هاوپەیمانان لەو ناوچەیە، پێكهوه كار بكهن و ههماههنگ بن.
نهبوونى ههماههنگى و هەبوونی ههندێك هێز و گرووپى چهكدارى دهرهوهى فهرمان و دهسهڵاتى حكومهتى فيدراڵ، بوونهته هۆى ئاڵۆزيى ناوچهكه و وایكردووە هەڕەشەیەكی بەردەوام بۆ سەر هەرێمی كوردستان ههبێت. بۆيه داوا له بهڕێز سهرۆكوهزيرانى عێراق دهكهم بهپهله ليژنهيهكى هاوبهشى لێكۆڵينهوهى حكومهتى ههرێمى كوردستان و حكومهتى فيدراڵ دهستبهكار بێت و به زووترين كات هێرشكاران بدۆزرێنهوه و به سزاى ياسايى بگهیێنرێن.
نێچیرڤان بارزانی
سەرۆكی هەرێمی كوردستان
2021/2/16
.jpg&w=3840&q=75)