بازاڕی جلوبەرگى کوردیى ژنان و پیاوان جممەی دێت

رووداو - سلێمانی 

بەرگدرووەکان سەرقاڵى دوورینى جلى کوردن و بازاڕیان جممەی دێت. ئەمساڵ بەراورد بە ساڵانى پێشوو، هاونیشتیمانیان زیاتر جلى کوردى دەپۆشن.

بەگوتەی بەرگدرووەکان بۆ نەورۆز و بۆنە و ئاهەنگەکانی بەهاری ئەمساڵ، خەڵک زیاتر جلوبەرگی ستایلى جلی کوردیی ساڵانى هەشتاکان بەدروون دەدەن. 
 
لە باشووری کوردستان نزیکەى 20 دیزاینى جلى کوردیی پیاوان هەیە، بەڵام دیزاینى جلى کوردیی ژنانە زۆرترە و بە 100 جۆر دەخەمڵێنرێ.

دووکانەکانی بەرگدرووەکان بوونەتە شوێنى چاوەڕوانیی خەڵک، بەرگدرووێک لە سلێمانییەوە دەڵێ "ئەمساڵ درەنگ بازاڕمان بووەوە، بەڵام زۆر بوو، خەڵک زیاتر جلوبەرگی سادە بەدروون دەدەن و نرخی قوماش و بەرگدرووەکانیش بەهۆی قەیرانی دارایی دابەزیوە".

پێداچوونەوە: هەڵات رێبوار

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger