رووداو - دوسلدۆرف
دكتۆر رەجەب حەسەن سینان، كە پزیشكێكی كوردە لە هۆڵەندا، یەكێكە لەو كوردانەی بڕیاری گەڕانەوەی داوە و هەفتەی رابردوو بە پڕۆژەیەكەوە لە فڕۆكەخانەی ئەمستردامەوە گەڕایەوە باشووری كوردستان.
دوای باشبوونی رەوشی ئەمنی و سیاسی باشووری كوردستان، زۆر لەو كوردانەی لە ساڵانی نەوەتەكاندا روویان لە وڵاتانی ئەوروپا و ئەمریكا كردووە، دەگەڕێنەوە كوردستان. هەندێك لەوانە لە بواری جیاجیا پسپۆڕییان بەدەستهێناوە، بۆیە بە جانتای پرۆژەكانیانەوە دەگەڕێنەوە كوردستان كە دكتۆر رەجەب یەكێكە لەوان.
پێش ئەوەی بگەڕێتەوە، دكتۆر رەجەب سینان لە ماڵەكەی خۆی قسەی بۆ (تۆڕی میدیایی رووداو) كرد و گوتی “كە گەڕامەوە كوردستان یەكسەر لە زانكۆی دهۆك وانە دەڵێمەوە”. لەگەڵ ئەوەشدا بەنیازە پەرە بە پسپۆڕییەكەی بدات لە كوردستان كە پزیشكی خێزانییە.
ئەو پزیشكە لە ناوچەی بامەڕنێ لە دهۆك لەدایكبووە، ساڵی 1986 كۆلیژی پزیشكی لە زانكۆی سەلاحەددین تەواو كردووەو دواتر لە نەخۆشخانەی دهۆك دەستی بەكاركردن كردووە.
ئەو پزیشكە وەك خۆی باسیكرد، لەكاتی كۆڕەوەكەی ساڵی 1991 زەحمەتییەكی زۆری بینیوە بەهۆی ئەوەی زۆربەی دكتۆرەكان نەخۆشخانەكەیان جێهێشتووە و ئەو لەوێ ماوەتەوە چارەسەری بریندار و نەخۆشەكانی كردووە، دواتریش لەسەر سنوور لەگەڵ پزیشكە فەرەنسی و هۆڵەندی و بەلجیكییەكان كاری كردووە.
دوای گەڕانەوەی خەڵك بۆ نێو شار، ئەویش دەگەڕێتەوە نەخۆشخانە و درێژە بەكارەكەی دەدات لە نەخۆشخانە، ئەو دەڵێت “ئەوكات كاركردن زۆر زەحمەت بوو، چونكە بەعس سەرجەم داوودەزگا پزیشكییەكانی لە هەرێمی كوردستان كشاندبووەوە، بەڵام ئێمە ئەوكات 11 ناوەندی تەندروستیمان كردەوە”.
دكتۆر رەجەب لە ساڵی 1993 وەك هەزاران پەنابەری دیكەی كورد روو لە ئەوروپا دەكات و لە هۆڵەندا دەگیرسێتەوە. هەر زوو خۆی فێری زمان دەكات و لە ماوەیەكی كەمیشدا ماستەر وەردەگرێت. دوای سێ ساڵ خوێندن، دكتۆر رەجەب نۆرینگەیەك دەكاتەوە وەكو نۆرینگەی پزیشكی خێزانی، هەروەها لە زانكۆش وانە دەڵێتەوە.
ئێستا دەیەوێ هەمان شت لە كوردستان بكات، هەم نۆرینگەی پزیشكی خێزانی هەبێت، هەمیش ئەو پسپۆڕییە لە زانكۆی دهۆك فێری قوتابیان بكات.
بڕیاری گەڕانەوە بۆ كوردستان بەلای ئەو پزیشكەوە زۆر زەحمەت بووە، ئەو دەڵێت “من نزیكەی 20 ساڵە لێرە دەژیم، منداڵەكانم لێرە گەورە بوون و فێری زمان و كەلتووری هۆڵەندییەكان بووین، لێرە نۆرینگەم هەبوو، ئێستا دەستبەداری هەموو ئەمانە ببم و جارێكی دیكە سەرلەنوێ دەستپێبكەمەوە بەڕاستی كارێكی زەحمەتە”.
دكتۆر رەجەب دەڵێت تەنانەت نەخۆشە هۆڵەندییەكانیشی سەرەتا دڵگران بوون كاتێك زانیویانە بەجێیاندەهێڵێت “بەڵام كاتێك زانییان من بە چ مەبەستێك دەگەڕێمەوە، پیرۆزباییان لێكردم”.
ئەو بە هیوایە كە بتوانێت بە شێوەیەكی رێكوپێك پرۆژەكەی لە كوردستان جێبەجێ بكات، هەروەها دەڵێت بەرپرسانی فەرمانگەی تەندروستی دهۆك زۆر پشتگیری دەكەن.
ئەو پزیشكە باس لە هەندێك لە تایبەتمەندییەكانی پزیشكی خێزانی دەكات و دەڵێت “ئەو سیستمە هەم بۆ پزیشك و هەم بۆ نەخۆشیش سوودی هەیە، دۆسیەی نەخۆش لەلای پزیشكە، هەروەها هەموو ئەو چارەسەریانەی نەخۆش وەریدەگرێت لەلای پزیشك تۆمار دەكرێت، پزیشك وەكو ئەندامێكی ئەو خێزانەی لێدێت و لەگەڵیان گەورە دەبێت، دەزانێت ئەو خێزانە پێویستیان بە چی هەیە، تەنانەت كاتێك نەخۆش لە شوێنێكی دیكە داخڵ بكرێت، پزیشكی خێزانی لەگەڵی دەچێت، ئەمانە هەموو كاری پزیشك ئاسان دەكەن”.
وەك ئەو دكتۆرە باسیكرد، حكومەتی هۆڵەندا 30 ساڵ لەمەوبەر پڕۆژەی پزیشكی خێزانی جێبەجێكردووە و ئێستا هەموو خێزانەكان پزیشكی خۆیان هەیە، دكتۆر رەجەب دەیەوێ بە هاوكاری پزیشكێكی كورد و پزیشكێكی هۆڵەندی ئەو ئەزموونەی هۆڵەندا بگوازێتەوە بۆ كوردستان و لە نیسانی ساڵی داهاتوو رایبگەیەنێت. ئەو پێیوایە دوای 10 تاوەكو 20 ساڵی دیكە هەرێمی كوردستانیش دەبێتە خاوەنی سیستمێكی تەندروستی خێزانیی رێكوپێك.
دكتۆر رەجەب حەسەن سینان، كە پزیشكێكی كوردە لە هۆڵەندا، یەكێكە لەو كوردانەی بڕیاری گەڕانەوەی داوە و هەفتەی رابردوو بە پڕۆژەیەكەوە لە فڕۆكەخانەی ئەمستردامەوە گەڕایەوە باشووری كوردستان.
دوای باشبوونی رەوشی ئەمنی و سیاسی باشووری كوردستان، زۆر لەو كوردانەی لە ساڵانی نەوەتەكاندا روویان لە وڵاتانی ئەوروپا و ئەمریكا كردووە، دەگەڕێنەوە كوردستان. هەندێك لەوانە لە بواری جیاجیا پسپۆڕییان بەدەستهێناوە، بۆیە بە جانتای پرۆژەكانیانەوە دەگەڕێنەوە كوردستان كە دكتۆر رەجەب یەكێكە لەوان.
پێش ئەوەی بگەڕێتەوە، دكتۆر رەجەب سینان لە ماڵەكەی خۆی قسەی بۆ (تۆڕی میدیایی رووداو) كرد و گوتی “كە گەڕامەوە كوردستان یەكسەر لە زانكۆی دهۆك وانە دەڵێمەوە”. لەگەڵ ئەوەشدا بەنیازە پەرە بە پسپۆڕییەكەی بدات لە كوردستان كە پزیشكی خێزانییە.
ئەو پزیشكە لە ناوچەی بامەڕنێ لە دهۆك لەدایكبووە، ساڵی 1986 كۆلیژی پزیشكی لە زانكۆی سەلاحەددین تەواو كردووەو دواتر لە نەخۆشخانەی دهۆك دەستی بەكاركردن كردووە.
ئەو پزیشكە وەك خۆی باسیكرد، لەكاتی كۆڕەوەكەی ساڵی 1991 زەحمەتییەكی زۆری بینیوە بەهۆی ئەوەی زۆربەی دكتۆرەكان نەخۆشخانەكەیان جێهێشتووە و ئەو لەوێ ماوەتەوە چارەسەری بریندار و نەخۆشەكانی كردووە، دواتریش لەسەر سنوور لەگەڵ پزیشكە فەرەنسی و هۆڵەندی و بەلجیكییەكان كاری كردووە.
دوای گەڕانەوەی خەڵك بۆ نێو شار، ئەویش دەگەڕێتەوە نەخۆشخانە و درێژە بەكارەكەی دەدات لە نەخۆشخانە، ئەو دەڵێت “ئەوكات كاركردن زۆر زەحمەت بوو، چونكە بەعس سەرجەم داوودەزگا پزیشكییەكانی لە هەرێمی كوردستان كشاندبووەوە، بەڵام ئێمە ئەوكات 11 ناوەندی تەندروستیمان كردەوە”.
دكتۆر رەجەب لە ساڵی 1993 وەك هەزاران پەنابەری دیكەی كورد روو لە ئەوروپا دەكات و لە هۆڵەندا دەگیرسێتەوە. هەر زوو خۆی فێری زمان دەكات و لە ماوەیەكی كەمیشدا ماستەر وەردەگرێت. دوای سێ ساڵ خوێندن، دكتۆر رەجەب نۆرینگەیەك دەكاتەوە وەكو نۆرینگەی پزیشكی خێزانی، هەروەها لە زانكۆش وانە دەڵێتەوە.
ئێستا دەیەوێ هەمان شت لە كوردستان بكات، هەم نۆرینگەی پزیشكی خێزانی هەبێت، هەمیش ئەو پسپۆڕییە لە زانكۆی دهۆك فێری قوتابیان بكات.
بڕیاری گەڕانەوە بۆ كوردستان بەلای ئەو پزیشكەوە زۆر زەحمەت بووە، ئەو دەڵێت “من نزیكەی 20 ساڵە لێرە دەژیم، منداڵەكانم لێرە گەورە بوون و فێری زمان و كەلتووری هۆڵەندییەكان بووین، لێرە نۆرینگەم هەبوو، ئێستا دەستبەداری هەموو ئەمانە ببم و جارێكی دیكە سەرلەنوێ دەستپێبكەمەوە بەڕاستی كارێكی زەحمەتە”.
دكتۆر رەجەب دەڵێت تەنانەت نەخۆشە هۆڵەندییەكانیشی سەرەتا دڵگران بوون كاتێك زانیویانە بەجێیاندەهێڵێت “بەڵام كاتێك زانییان من بە چ مەبەستێك دەگەڕێمەوە، پیرۆزباییان لێكردم”.
ئەو بە هیوایە كە بتوانێت بە شێوەیەكی رێكوپێك پرۆژەكەی لە كوردستان جێبەجێ بكات، هەروەها دەڵێت بەرپرسانی فەرمانگەی تەندروستی دهۆك زۆر پشتگیری دەكەن.
ئەو پزیشكە باس لە هەندێك لە تایبەتمەندییەكانی پزیشكی خێزانی دەكات و دەڵێت “ئەو سیستمە هەم بۆ پزیشك و هەم بۆ نەخۆشیش سوودی هەیە، دۆسیەی نەخۆش لەلای پزیشكە، هەروەها هەموو ئەو چارەسەریانەی نەخۆش وەریدەگرێت لەلای پزیشك تۆمار دەكرێت، پزیشك وەكو ئەندامێكی ئەو خێزانەی لێدێت و لەگەڵیان گەورە دەبێت، دەزانێت ئەو خێزانە پێویستیان بە چی هەیە، تەنانەت كاتێك نەخۆش لە شوێنێكی دیكە داخڵ بكرێت، پزیشكی خێزانی لەگەڵی دەچێت، ئەمانە هەموو كاری پزیشك ئاسان دەكەن”.
وەك ئەو دكتۆرە باسیكرد، حكومەتی هۆڵەندا 30 ساڵ لەمەوبەر پڕۆژەی پزیشكی خێزانی جێبەجێكردووە و ئێستا هەموو خێزانەكان پزیشكی خۆیان هەیە، دكتۆر رەجەب دەیەوێ بە هاوكاری پزیشكێكی كورد و پزیشكێكی هۆڵەندی ئەو ئەزموونەی هۆڵەندا بگوازێتەوە بۆ كوردستان و لە نیسانی ساڵی داهاتوو رایبگەیەنێت. ئەو پێیوایە دوای 10 تاوەكو 20 ساڵی دیكە هەرێمی كوردستانیش دەبێتە خاوەنی سیستمێكی تەندروستی خێزانیی رێكوپێك.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ