رووداو دیجیتاڵ
گەمارۆی تووندی سەر کۆبانی لە رۆژئاوای کوردستان بەردەوامە و هاوسەرۆکی مانگی سووری کورد لە رۆژئاوای کوردستان دەڵێت، بەهۆی گەمارۆ و سەرماوە "چوار منداڵ گیانیان لەدەستداوە."
هەدیە عەبدوڵڵا، هاوسەرۆکی مانگی سووری کورد لە رۆژئاوای کوردستان، ئەمڕۆ شەممە 24-01-2026 بە تۆڕی میدیایی رووداوی گوت، "بەهۆی گەمارۆی تووندی سەر کۆبانی، 4 منداڵ بەهۆی سەرماوە لەو شارە گیانیان لەدەستداوە."
چەند رۆژێکە شاری کۆبانی لە رۆژئاوای کوردستان بە تەواوی گەمارۆ دراوە و رێگەکانی شارەکە بە دەرەوە بە تەواوی داخراون و کارەبا، ئاو و دەرمانی لێبڕاوە.
لە کۆبانی، لەگەڵ گەمارۆدان و نەبوونی سووتەمەنی و دەرماندا، بەفرێکی زۆر باریوە، ئەوەش دۆخی هاونیشتمانییانی سەختتر کردووە.
مانگی سووری کورد لە رێگەی تیمەکانیانەوە لە شاری کۆبانی، زانیارییان لەبارەی گیانلەدەستدانی ئەو چوار منداڵە وەرگرتووە.
نوێدەکرێتەوە..
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ