هەڵەیەک روویدا! دووبارە هەوڵبدە
وەکو ئامادەکاری، مامۆستایان دەستیان بە خاوێنکردنەوەی پۆلەکانی قوتابخانەکانیان کردووە. وێنە: رووداو
رووداو - قامشلۆ
بڕیارە رۆژی 1ی ئەیلوول پرۆسەی خوێندن لە رۆژئاوای کوردستان دەستپێدەکاتەوە، بۆ ئەو مەبەستەش مامۆستایان دەستیان کردووە بە ئامادەکردن و خاوێنکردنەوەی قوتابخانەکان.
لە باکوور و رۆژهەڵاتی سووریا نزیکەی 800 هەزار قوتابی هەن، 230 هەزاریان لە هەرێمی جزیرن، لە دوو هەزار قوتابخانەدا دەخوێنن، 19 هەزار و 500 مامۆستا و فەرمانبەر کاریان تێدا دەکەن.
بۆ خۆپارێزیش لە ڤایرۆسی کۆرۆنا، پەروەردەی رۆژئاوای کوردستان ئامادەکاریی کردووە، خوێندن بە دوو شێواز دەبێت، یەکەم ئەوەیە خوێندنی رووبەڕوو، ئەوی دیکەشیان ئۆنلاین، مامۆستاکان لە ئێستاوە دەستیان بە تۆمارکردنی وانەکان کردووە و لەڕێگەی ئینتەرنێتەوە دەیگەیێننە قوتابیان.
هەمان رۆژ زانکۆکانی ژێر دەسەڵاتی بەڕێوەبەرایەتیی خۆسەریش پرۆسەی خوێندن دەستپێدەکەنەوە، حکومەتی سووریا رۆژی 13ی ئەیلوولی دیاریکردووە بۆ دەستپێکردنەوەی پرۆسەی خوێندن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ