هەڵەیەک روویدا! دووبارە هەوڵبدە
رووداو دیجیتاڵ
یاریدەدەری پارێزگاری کەرکووک رایدەگەیێنێت، زۆربەی پڕۆژەکانی شارەکە وەستاون و بۆ تەواوکردنیان پێویستیان بە 400 ملیار دینارە. دەشڵێت، حکومەت 180 ملیار دینار قەرزداری بەڵێندەرانە.
عەلی حەمادی، یاریدەدەری تەکنیکیی پارێزگاری کەرکووک بۆ کاروباری پلاندانانی ستراتیژی و وەبەرهێنان، بە تۆڕی میدیایی رووداوی راگەیاند، لە کۆی 113 پڕۆژەی جۆراوجۆری کەرکووک، تەنیا 10 بۆ 15 پڕۆژەیان کاریان تێدا دەکرێت و ئەوانی دیکە بەهۆی قەیرانی دارایی و نەبوونی پارەوە وەستاون.
بەپێی قسەی یاریدەدەری پارێزگاری کەرکووک، تەواوکردنی ئەو پڕۆژانە پێویستی بە نزیکەی 400 ملیار دینارە. عەلی حەمادی گوتیشی، "نزیکەی 180 ملیار دینار پارەی شایستەی بەڵێندەرانە و پێویستە وەریبگرن، بەڵام هێشتا خەرج نەکراوە."
پڕۆژەکان کەرتە جیاوازەکان دەگرێتەوە، لەوانە خزمەتگوزاری، دروستکردنی پرد، قیرتاوکردن، ئاو و کارەبا.
سەرچاوەی دابینکردنی پارەی پڕۆژەکانی پارێزگاکانی عێراق، لەڕێگەی بودجەی پەرەپێدانی پارێزگاکان و بودجەی پترۆدۆلارەوەیە بۆ ئەو پارێزگایانەی کە بەرهەمهێنەری نەوت و گازن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ