پێشوازیی موقتەدا سەدر لە نیچیرڤان بارزانی
رووداو دیجیتاڵ
نێچیرڤان بارزانی، جێگری سەرۆکی پارتی دیموکراتی کوردستان بۆ کۆبوونەوە لەگەڵ موقتەدا سەدر، رێبەری رەوتی سەدر گەیشتە نەجەف و کۆبوونەوەکەیان لەکاژێر 10:15 خولەک دەستیپێکرد.
هەریەکە لە محەممەد حەلبووسی، سەرۆکی پەرلەمانی عێراق و خەمیس خەنجەر، سەرۆکی هاوپەیمانیی سەروەریی سوننەکان لەگەڵ نێچیرڤان بارزانی، سەرۆکی هەرێمی کوردستانن بۆ کۆبوونەوە لەگەڵ موقتەدا سەدر.
سەردانەکەی نێچیرڤان بارزانی و حەلبووسی بۆ نەجەف لەسەر پێشنیازی سەرۆک بارزانی بووە. لە پەیامێکدا سەرۆک مەسعود بارزانی رایگەیاند: "لەپێناو چارەسەری گیروگرفتەكان و رەخساندنی كەشێكی گونجاو و باش بۆ پرۆسەی سیاسیی عێراق، دەستپێشخەرییەكی سیاسیم خستووەتەڕوو. لە چوارچێوەی ئەم دەستپێشخەرییەدا پێشنیازم كردووە بەڕێزان نێچیرڤان بارزانی و محەممەد حەلبووسی سەردانی سەماحەتی سەید موقتەدا سەدر بكەن و، لەسەر چۆنیەتیی بەردەوامبوونی پرۆسەی سیاسی و نەهێشتنی كۆسپ و گرفتەكان راوێژ بكەن".
محەممەد حەلبووسی، سەرۆکی پەرلەمانی عێراق لەبارەی سەردانەکەی لەگەڵ نێچیرڤان بارزانی بۆ نەجەف و کۆبوونەوە لەگەڵ موقتەدا سەدر نووسیویەتی: کاتی دەستێوەردانی دەرەکی لەپێکهێنانی حکومەتی عێراق کۆتاییهات. ئەمڕۆ شاخ و بیابانەکانی عێراق بەرەو نەجەف دەڕۆن بۆ گفتوگۆکانی حکومەتێکی نیشتمانیی تەواوی عێراقی. نە رۆژهەڵات و نە رۆژئاوایی.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ