رووداو دیجیتاڵ
ئیسرائیل قوتابخانەیەکی شاری دێر بەلەحی کەرتی غەززەی بۆردوومانکرد. بەو هۆیەوە 30 کەس کورژان و ژمارەیەکی دیکەش برینداربوون.
نەخۆشخانەی شەهیدی ئەقسا زانیارییەکەی پشتڕاستکردەوە و دەڵێت، بەشێک لە کوژراو و برینداران، ژن و منداڵن.
ئەمڕۆ شەممە، سوپای ئیسرائیل رایگەیاند، لەو شوێنە ناوەندێکی فەرماندەیی حەماسی کردووەتەوە ئامانج و "پێش هێرشەکە، ژمارەیەک رێکار گیرانەبەر بۆ ئەوەی مەترسیی لەسەر خەڵکی سڤیل کەمبکرێتەوە."
کارماندە مرۆییەکانی غەززە دەڵێن، هەزاران کەس پەنایان بۆ قوتابخانەکە بردبوو کە ناوەندێکی تەندروستیشی تێدابوو.
دیمەنی دوای بۆردوومانەکە پێشانی دەدات کە قوتابخانەکە زیانی گەورەی بەرکەوتووە. خەڵک بەنێو داروپەردوو و دووکەڵی بۆردوومانەکەدا بەدوای تەرمەکاندا دەگەڕان.
