ساتی دەرهێنانی تەرمەکانی بێهزاد و زەینەب
رووداو - هەولێر
کوڕ و کچێکی عاشق پاش ئەوەی بنەماڵەکانیان دژایەتیی هاوسەرگیرییان دەکەن، پێکەوە خۆیان دەخەنە نێو رووبارێک و گیان لەدەستدەدەن.
بەپێی میدیا خۆجێییەکانی ئێران، کوڕ و کچەکە بەناوی بێهزاد و زەینەب، دەستیان پێکەوە بەستووەتەوە و خۆیان خستووەتە نێو رووباری گودار.
شایەتحاڵەکان دەڵێن، هەرچەندە هەوڵی رزگارکردنی کوڕ و کچەکەیان داوە، بەڵام سەرکەوتوو نەبوون و داوای یارمەتییان لە تیمی فریاکەوتن کردووە.
لەو ڤیدیۆیانەی کە بڵاوکراونەتەوە، دەردەکەوێت کە تیمی فریاکەوتن تەرمی دوو کەس پێکەوە لە ئاوی رووبارەکە دەردەهێنن، دەنگی هاواری خەڵکیش لە ڤیدیۆکاندا دەبیسترێت.
رووداوەکە لە شاری مەسجد سولەیمان لە پارێزگای خوزستانی ئێران روویداوە، کوڕەکە تەمەنی 22 ساڵ بووە و کچەکەش 18 ساڵ.
حوسەین مەولایی، بەرپرسی مانگی سووری ئێران بە میدیاکانی وڵاتەکەی راگەیاندووە، بە گوتەی بنەماڵەی کوڕ و کچەکە پێش رووداوەکە وەسێتنامەیان نووسیوە "بەڵام هێشتا ئێمە ئەو وەسێتنامەمان نەبینیوە".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ