رووداو دیجیتاڵ
شانەی راگەیاندنی ئەمنیی عێراق دەڵێت، هێزە ئەمنییەکان توانیویانە فڕۆکەیەکی بێفڕۆکەوان لە نێوان پارێزگاکانی کەرکووک و سلێمانی بخەنە خوارەوە، کە بەنیازی کردنە ئامانجی "دامەزراوەیەکی گرنگ" بووە.
فەریق سەعد مەعن، سەرۆکی شانەی راگەیاندنی ئەمنی لە راگەیەندراوێکدا رایگەیاندووە، "کاژێر 10:10ی شەوی هەینی، هێزە ئەمنییەکانمان توانییان فڕۆکەیەکی بێفڕۆکەوان بخەنە خوارەوە."
لە راگەیێندراوەکەدا هاتووە کە ئەو درۆنە "بەنیازی کردنە ئامانجی یەکێک لە دامەزراوە گرنگەکانی نێوان هەردوو پارێزگای کەرکووک و سلێمانی بووە."
سەرۆکی شانەی راگەیاندنی ئەمنی ئاماژەی بەوەش کردووە، فڕۆکەکە لەلایەن مەفرەزە تایبتمەندەکانەوە پێش پێکانی ئامانجەکەی مامەڵەی لەگەڵ کراوە و خراوەتە خوارەوە، جەختیشی کردەوە کە رووداوەکە "هیچ زیانێکی لێنەکەوتووەتەوە."
تاوەکو ئێستا شانەی راگەیاندنی ئەمنی لایەنی ئاراستەکەری درۆنەکەی ئاشکرا نەکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ