رووداو دیجیتاڵ
تەقینەوەیەکی خوکوژی لە ناوچەی باب فەرەجی شاری حەلەب روویدا.
ئاژانسی فەرمیی دەنگوباسی سووریا رایگەیاند، ئەمشەو خۆکوژێک کاروانێکی هێزەکانی ئاسایشی ناوخۆی کردووەتە ئامانج و خۆی پێیاندا تەقاندووەتەوە.
بەپێی زانیارییە سەرەتاییەکان، ئەندامێکی هێزەکانی ئاسایشی ناوخۆ کوژراوە و چەند کەسێکی دیکەش بریندار بوون.
لیوا مستەفا عەندانی، بەڕێوەبەری ئاسایشی حەلەب رایگەیاند، چاوکراوەیی هێزە ئەمنییەکان رێگربوو لەبەردەم ئەوەی کە رووداوەکە کارەساتی گەورەتری لێبکەوێتەوە. گوتیشی: پلانێک بوو بۆ بە ئامانجگرتنی یەکێک لە کەنیسەکان لەکاتی بەڕێوەچوونی ئاهەنگی سەری ساڵ.
پارێزگای حەلەب، راگەیێندراوێکی بڵاوکردەوە و تێیدا هاتووە، کەسێکی نەناسراو تەقینەوەیەکی خۆکوژیی بە پشتێنەیەکی بۆمبڕێژکراو کرد و کاروانێکی پۆلیسی لە ناوچەی باب فەرەج لە ناوەندی شاری حەلەب کردە ئامانج.
لە راگەیێندراوەکەدا هاتووە، دوای ئەوەی هێزە ئەمنییەکان تێبینییان کرد و هەوڵی دەستگیرکردنی کەسێکیان دا، کەسەکە خۆی پێیاندا تەقاندوە و یەکێک لە ئەندامانی مەفرەزەکە "شەهید بووە" و چەند کەسێکی دیکەش بریندار بوون.
راگەیێندراوەکە دەڵێ، لایەنە پەیوەندیدارەکان بەردەوامن لە بەدواداچوون بۆ رووداوەکە و گەمارۆیەکی ئەمنییان لە دەوروبەری شوێنەکە سەپاندووە.
.jpg&w=3840&q=75)
.jpg&w=3840&q=75)
