ئایندەی گۆڕان لەنێوان گردەكە و كوردساتدا
ئایندەی گۆڕان لەنێوان گردەكە و كوردساتدا
گردەكە یان كوردسات دەبنە خاوەنی گۆڕان؟
پێشەكییەك لەبەرنامەكە
كێشە نێوخۆییەكانی بزووتنەوەی گۆڕان بووتە هۆی ئەوەی ئەو بزووتنەوەیە ببێتە دوو بەرە (بەرەی گردەكە و بەرەی كوردسات) سەرەكیترین گرفتیش ئێستا بەستنی كۆنفرانس و یەكلایی بوونەوەی خاوەنێدارێتی بزووتنەوەكەیە
دوای چەند هەوڵێك بۆ بەستنی كۆنفرانس بڕیار بوو هەردوو گۆڕانەكە لە 26-4-2025 كۆنفرانس ببستن، بەڵام بەهۆی تەواو نەبوونی رێژەی یاسایی ئەندامان، كۆنفرانسەكە نەكرا دەبووە لانی كەم 1064 كەس ئامادە بوونایە، بەڵام نزیكەی 450 كەس ئامادەبوون نوێنەرانی گۆڕانی گردەكە تەنها 12 كەس بوون ئێستا گۆڕانی گردەكە دەڵێن كۆنفرانسەكە شكستی هێنا
گۆڕانی كوردسات دەڵێن كۆنفرانسەكە هەڵگیراوە بۆ كاتێكی دیكە
بەپێی زانیارییەكانی ئەوەی لەم بەرنامەیەدا خرایەروو هەردوو باڵەكەی گۆڕان جیاوازی فیكری و ئایدیۆلۆژییان نییە، كێشەكان زیاتر پەیوەستن بە رێكخستن، رێبەرایەتی و یاسایی بوونی كۆنفرانسەكان و خاوەندارێتی ئەو سەروەتەیە كە لە دوای كۆچی دوایی نەوشیروان مستەفا بۆ بزووتنەوەكە یەجێهڵدراوە.
لە هەڵبژاردنی 2014ی ئەنجوومەنی پارێزگاكاندا بزووتنەوەی گۆڕان 490,572 دەنگی بەدەستهێنا، بەڵام لە هەڵبژاردنی 2024 ی پەرلەمانی كوردستاندا گۆڕان تەنها 11,636 دەنگی بەدەستهێنا، ئەمەش دابەزینێكی بەرچاوی دەنگەكانی ئەو بزووتنەوەیە پیشان دەدا بەجۆرێك دابەزینەكە بە رێژەی 97.6%. لەم بەرنامەیەدا هەردوو لایەنی كێشەكە (گۆڕانی گردەكە و گۆڕانی كوردسات) قسەی خۆیان دەكەن، هاوكات دوو كەسی بەئەزموونیش كە پێشتر لە گۆڕاندا كاریان كردوە بۆچوونی خۆیان لە بارەی ئێستا‌و داهاتووی بزووتنەوەی گۆڕان دەخەنەڕوو.
كاتی بەخاكسپاردنی تەرمەكەیەوە تۆڵە كردنەوە دەستی پێكرد
لە دەستپێكی قسەكانی كارزان گەردی، ئەندامی جڤاتی نیشتمانی بزووتنەوەی گۆڕان باڵی گردەكە ئاماژەی بەوەدا بە هەستێكی بریندارەوە باس لە دۆخی بزووتنەوەی گۆڕان دەكات و رەخنەی توند ئاراستەی بەرپرسانی ئێستای بزووتنەوەكە كرد كە نەیانتوانیوە بە رێگایەكی ئاشتیانە چارەسەری كێشەكانیان بكەن ئەوە بۆچوونیشی وابوو بە "سپۆنسەری ناوخۆیی و دەرەكی". كێشەكانی بزوتنەوەكەیان لە تەشەنەكردندایە.
كارزان جەخت لەوە دەكاتەوە كە گۆڕان بەشێكە لە پرۆژەیەكی بەرفراوانتری نەوشیروان مستەفا ی دامەزرێنەری بزووتنەوەكە، ئەو ئەندامەی جڤاتی نیشتمانی داخ بۆ ئەوەش دەخوازێ بەشێك لە هاوڕێكانی نەوشیروان مستەفا هەوڵی ناشیرینكردنی كەسایەتی ئەو دەدەن و گوتی "بەداخەوە تۆڵەكردنەوە لە نەوشیروان مستەفا لە كاتی بەخاكسپاردنی تەرمەكەیەوە دەستی پێكردووە".
ئەندامەكەی جڤات نیشتمانی گۆڕان لە گردەكە رەخنەی توند لە دانا ئەحمەد مەجید دەگرێت و دەڵێت "بە هیچ جۆرێك رێكخەری گۆڕان نییە‌و بریكارنامەكەی سەرلەبەر ناشەرعی بووە".
"قیادەیەكی فاشیلمان هەبوو"
كارزان گەردی، رێكخەری پێشووی بزوتنەوەكە عومەر سەید عەلی تۆمەتبار دەكات بەوەی "بازی بەسەر دەستووری گۆڕاندا هەڵداوە هەر ئەویش بەرپرسە لە كەموكوڕییەكانی بزووتنەوەكە". ئەو دەشڵێت "لە جیهاندا هیچ حیزبێك بە وەكالەت بەڕێوەنابرێت". كارزان جەخت لەوە دەكاتەوە لە بزووتنەوەی گۆڕاندا تەنها جڤاتی نیشتمانی مەرجەعە (بڕیاردەری سەرەكییە).
ئەندامەكەی جڤاتی نیشتمانی گۆڕان تۆمەتی ئەوە دەخاتە پاڵ "مەكۆی كوردسات" كە دەیانەوێت لە دەرەوەی دەستوور سیاسەت بكەن.
كارزان گەردی لەو بڕوایەشدایە هاوپەیمانی لەگەڵ یەكێتی لە هەڵبژاردنێكی رابردوودا یەكێك بوو لە شكستە گەورەكانیان لە كۆتایی قسەكانیشی بە دەنگێكی بەرز گوتی "دوای كاك نەوشیروان قیادەیەكی فاشیلمان هەبوو".
1100 كەس لە دەستەی دامەزرێنەران وازیان هێناوە
شاخەوان رەئووف بەگ، ئەندامی لیژنەی باڵای كۆنفرانسی نیشتمانی بزووتنەوەی گۆڕان باڵی كوردسات وەك یەكێك لە میوانەكانی بەرنامەكە ئاشكرای دەكات كە 1100 كەس لە دەستەی دامەزرێنەرانی گۆڕان وازیان هێناوە، بەڵام ناویان بۆ كۆنفرانس هاتۆتەوە، ناوبراو بە توندی رەتی دەكاتەوە كە هیچ هاوڕێیەكیان بە زمانی زبر لەبارەی نەوشیروان مستەفا (دامەزرێنەری بزووتنەوەی گۆڕان) قسەی كردبێت. سەبارەت بە كۆنفرانسی گۆڕان ئەوەی روونكردەوە كە بڕیار بوو 26- 04-2025 هەموو لایەنەكانە گۆڕان لە كۆنفرانسی بەشداربن، بەڵام ئەوە بەدەی نەهاتووە هۆكارەكانیش زۆر بوون یەكێك لەوانە "بەشێك لە ئەندامانی كۆنفرانس كارتی نیشتمانییان نەبووە". ئەو بەرپرسەی گۆڕان – كوردسات جەخت لەوەش دەكاتەوە پابەندن بە هەموو بڕیارەكانی كۆمیسیۆن، رەخنەی ئەوەش لە
كۆنفرانسی 4 ئایار بزوتنەوەی گۆڕانی گردەكە دەگرێت دەڵێت "ئەو كۆنفرانسە بە فەرمی پەسند نەكراوە".
شاخەوان رەئووف ئەوەش رووندەكاتەوە بۆ كۆنفرانسەكەی خۆیان پێشتر ئەوەیان زانیوە كە نیساب (رێژەی پێویست) بۆ بەستنی كۆنفرانس تەواو نابێت، بەڵام لەسەر داوای كۆمسیۆن بەدەم بەستنی كۆنفرانسەكەوە چوون.
لە بارەی كاتی بەستنی كۆنفرانسیش، ئاماژە بەوە دەكات چاوەڕێی كۆمیسیۆنن بۆ دەستنیشانكردنی رۆژەكەی.
شاخەوان گەلەیی ئەوەش دەكات كە "دەرگای گردەی زەرگەتە بەڕووی هەڵسووڕاوانی گۆڕان داخراوە".
لە رووداو ەوە زانیم گۆڕان پڕۆژەیەكی لەو جۆرەی هەیە
ئەحمەد عەزیز، ئەندامی پێشووی جڤاتی نیشتمانی بزووتنەوەی گۆڕان وەك میوانێكی دیكەی بەرنامەكە، ئەوە روون دەكاتەوە كە لە ساڵی 2018ەوە لە بزووتنەوەی گۆڕان نەماوە، بەڵام ناوی خراوەتە لیستی كۆنفرانس.
هەروەها ئاماژە بەوە دەكات كە بڕیاربوو بزووتنەوەی گۆڕان نوێگەری بكات، بەڵام بە بۆچوونی ئەو نەك ئەوە رووینەداوە، بەڵكو بزووتنەوەكە پاشەكشەیەكی زۆریشی كردوە، ئەحمەد عەزیز رەخنەی ئەوەش دەگرێت كە بزووتنەوەی گۆڕان لەسەر بنەمای دامەزراوەیی بەڕێوەنەچووە بۆ
ئەوەش باس لە نموونەیەك دەكات كە بەسەر خۆیدا هاتووە و دەیگێڕێتەوە لە كاتێكدا بەرپرسی ژووری ناوچە دابڕاوەكانی بزووتنەوەكە بووە، بەبێ ئاگاداری ئەو گۆڕان پڕۆژەیەكی پێشكەشی سەرۆكایەتی هەرێمی كوردستانی ئەو كاتە كردوە ئەو گووتی "لە رێگەی كەناڵی رووداوەوە زانیم گۆڕان پرۆژەی هەیە لەبارەی ناوچە دابڕاوەكان".
"بزووتنەوەكە و هاوڕێكانی كردە قوربانی كوڕەكانی"
ئەحمەد عەزیز ئەوەش ئاشكرا دەكات، كاتی خۆی 70% ئەندامانی جڤاتی نیشتمانی دژی ئەوە بوون كە گۆڕان بەشداری حكومەت بكات، بەڵام هەر بەشدارییان كرد بە" قسەی ئێمە نەكرا"
ئەحمەد عەزیز ئەوەش دەخاتەڕوو لە رووداوەكانی لە 16ی ئۆكتۆبەری 2017دا داوایان كردوە گۆڕان بەیاننامەیەكی ناڕەزایی دەربڕێت، بەڵام ئەوەشیان بەقسە نەكردوە "پێیان گوتم خۆتان وەك ژوورەكە بەیاننامەیەك دەربكەن".
ئەو بەرپرسەی پێشووی گۆڕان بە راشكاوی رایدەگەیەنێت كە "رێبازی نەوشیروان مستەفا ئێستا بەردەوام نییە، كاك نەوشیروان بزووتنەوەكە و هاوڕێكانی كردە قوربانی كوڕەكانی".
زۆر حیزب هاتوونەتە سەر سفر و دواتر دەستیانپێكردووەتەوە
د. ئاكۆ حەمەكەریم، هەڵگری بڕوانامەی دكتۆرا لە زانستە سیاسییەكان میوانێكی دیكەی ئەم بەرنامەیە بوو، ئەو جەختی كردەوە لەوەی تاوەكو ئێستا پەیوەندی بە بزووتنەوەی گۆڕانەوە هەیە و بەرپرسیارێتی ئەوەش هەڵدەگرێت. د. ئاكۆ حەمەكەریم چەند خاڵێكی گرنگی سەبارەت بە دۆخی بزووتنەوەی گۆڕان و ئایندەی ئەو بزووتنەوەیە خستووەتەروو لەو بڕوایەشدا بوو گۆڕان دەتوانێ دووبارە خۆی رێكبخاتەوە و گوتی "زۆر حیزب هاتوونەتە سەر سفر و دواتر دەستیانپێكردووەتەوە".
لە بەشێكی دیكەی قسەكانی جەختی كردەوە لەوەی وەك نوێنەری فەرمی گۆڕان بەشداری بەرنامەكەی نەكردووە. ناوبراو رەخنەیەكی گرنگی خستووەتە روو كە "گۆڕان لە سەردەمی كاك نەوشیروانەوە لە گوتاری خۆی دووركەوتەوە". د.ئاكۆ ئەوەشی خستەڕوو "كاتی خۆی گۆڕان بەڵێنی زۆری بە هاونیشتمانییان دا بۆیە خەڵكی چاوەڕوانی زۆریان لێهەبوو".
ئەو كە سەردەمانێك لەنێو ئەو بزووتنەوەیەدا رۆڵی هەبووە، دانی بەوەدا نا كە "پێمانوابوو لەنێو دەسەڵاتەوە دەتوانین گۆڕانكاریی بكەین"، ئەوەش ئاماژەیە بۆ ستراتیجی بەشداریكردن لە حكومەت.
هۆشداری ئەوەشیدا "ئەگەر هەردوو لایەنی كێشەكە (گۆڕانی كوردسات و گۆڕانی گردەكە) رێككەوتن نەكەن ئەوا بزووتنەوەی گۆڕان نامێنێت".
لە تێكڕای لێدوانەكانی د. ئاكۆ حەمەكەریم دەردەكەوێت كە ناوبراو هەرچەند رەخنەی لە ئەدای گۆڕان هەیە، بەڵام بڕوای بە ئیمكانیەتی گەڕانەوەی بزووتنەوەكە هەیە، بە مەرجێك رێككەوتنی ناوخۆیی دروست بكرێت
ئەم بەرنامەیە شەوی 27-04-2025 پێشكێش كرا و میوانە سەرەكییەكانیش پێكهاتبوون لە
- د. ئاكۆ حەمەكەریم، هەڵگری بڕوانامەی دكتۆرا لە زانستە سیاسییەكان
- ئەحمەد عەزیز، ئەندامی پێشووی جڤاتی نیشتمانی بزووتنەوەی گۆڕان
- كارزان گەردی، ئەندامی جڤاتی نیشتمانی بزووتنەوەی گۆڕان - گردەكە
- شاخەوان رەئووف بەگ، ئەندامی لیژنەی باڵای كۆنفرانسی نیشتمانی بزوتنەوەی گۆڕان - كوردسات
گردەكە یان كوردسات دەبنە خاوەنی گۆڕان؟
پێشەكییەك لەبەرنامەكە
كێشە نێوخۆییەكانی بزووتنەوەی گۆڕان بووتە هۆی ئەوەی ئەو بزووتنەوەیە ببێتە دوو بەرە (بەرەی گردەكە و بەرەی كوردسات) سەرەكیترین گرفتیش ئێستا بەستنی كۆنفرانس و یەكلایی بوونەوەی خاوەنێدارێتی بزووتنەوەكەیە
دوای چەند هەوڵێك بۆ بەستنی كۆنفرانس بڕیار بوو هەردوو گۆڕانەكە لە 26-4-2025 كۆنفرانس ببستن، بەڵام بەهۆی تەواو نەبوونی رێژەی یاسایی ئەندامان، كۆنفرانسەكە نەكرا دەبووە لانی كەم 1064 كەس ئامادە بوونایە، بەڵام نزیكەی 450 كەس ئامادەبوون نوێنەرانی گۆڕانی گردەكە تەنها 12 كەس بوون ئێستا گۆڕانی گردەكە دەڵێن كۆنفرانسەكە شكستی هێنا
گۆڕانی كوردسات دەڵێن كۆنفرانسەكە هەڵگیراوە بۆ كاتێكی دیكە
بەپێی زانیارییەكانی ئەوەی لەم بەرنامەیەدا خرایەروو هەردوو باڵەكەی گۆڕان جیاوازی فیكری و ئایدیۆلۆژییان نییە، كێشەكان زیاتر پەیوەستن بە رێكخستن، رێبەرایەتی و یاسایی بوونی كۆنفرانسەكان و خاوەندارێتی ئەو سەروەتەیە كە لە دوای كۆچی دوایی نەوشیروان مستەفا بۆ بزووتنەوەكە یەجێهڵدراوە.
لە هەڵبژاردنی 2014ی ئەنجوومەنی پارێزگاكاندا بزووتنەوەی گۆڕان 490,572 دەنگی بەدەستهێنا، بەڵام لە هەڵبژاردنی 2024 ی پەرلەمانی كوردستاندا گۆڕان تەنها 11,636 دەنگی بەدەستهێنا، ئەمەش دابەزینێكی بەرچاوی دەنگەكانی ئەو بزووتنەوەیە پیشان دەدا بەجۆرێك دابەزینەكە بە رێژەی 97.6%. لەم بەرنامەیەدا هەردوو لایەنی كێشەكە (گۆڕانی گردەكە و گۆڕانی كوردسات) قسەی خۆیان دەكەن، هاوكات دوو كەسی بەئەزموونیش كە پێشتر لە گۆڕاندا كاریان كردوە بۆچوونی خۆیان لە بارەی ئێستا‌و داهاتووی بزووتنەوەی گۆڕان دەخەنەڕوو.
كاتی بەخاكسپاردنی تەرمەكەیەوە تۆڵە كردنەوە دەستی پێكرد
لە دەستپێكی قسەكانی كارزان گەردی، ئەندامی جڤاتی نیشتمانی بزووتنەوەی گۆڕان باڵی گردەكە ئاماژەی بەوەدا بە هەستێكی بریندارەوە باس لە دۆخی بزووتنەوەی گۆڕان دەكات و رەخنەی توند ئاراستەی بەرپرسانی ئێستای بزووتنەوەكە كرد كە نەیانتوانیوە بە رێگایەكی ئاشتیانە چارەسەری كێشەكانیان بكەن ئەوە بۆچوونیشی وابوو بە "سپۆنسەری ناوخۆیی و دەرەكی". كێشەكانی بزوتنەوەكەیان لە تەشەنەكردندایە.
كارزان جەخت لەوە دەكاتەوە كە گۆڕان بەشێكە لە پرۆژەیەكی بەرفراوانتری نەوشیروان مستەفا ی دامەزرێنەری بزووتنەوەكە، ئەو ئەندامەی جڤاتی نیشتمانی داخ بۆ ئەوەش دەخوازێ بەشێك لە هاوڕێكانی نەوشیروان مستەفا هەوڵی ناشیرینكردنی كەسایەتی ئەو دەدەن و گوتی "بەداخەوە تۆڵەكردنەوە لە نەوشیروان مستەفا لە كاتی بەخاكسپاردنی تەرمەكەیەوە دەستی پێكردووە".
ئەندامەكەی جڤات نیشتمانی گۆڕان لە گردەكە رەخنەی توند لە دانا ئەحمەد مەجید دەگرێت و دەڵێت "بە هیچ جۆرێك رێكخەری گۆڕان نییە‌و بریكارنامەكەی سەرلەبەر ناشەرعی بووە".
"قیادەیەكی فاشیلمان هەبوو"
كارزان گەردی، رێكخەری پێشووی بزوتنەوەكە عومەر سەید عەلی تۆمەتبار دەكات بەوەی "بازی بەسەر دەستووری گۆڕاندا هەڵداوە هەر ئەویش بەرپرسە لە كەموكوڕییەكانی بزووتنەوەكە". ئەو دەشڵێت "لە جیهاندا هیچ حیزبێك بە وەكالەت بەڕێوەنابرێت". كارزان جەخت لەوە دەكاتەوە لە بزووتنەوەی گۆڕاندا تەنها جڤاتی نیشتمانی مەرجەعە (بڕیاردەری سەرەكییە).
ئەندامەكەی جڤاتی نیشتمانی گۆڕان تۆمەتی ئەوە دەخاتە پاڵ "مەكۆی كوردسات" كە دەیانەوێت لە دەرەوەی دەستوور سیاسەت بكەن.
كارزان گەردی لەو بڕوایەشدایە هاوپەیمانی لەگەڵ یەكێتی لە هەڵبژاردنێكی رابردوودا یەكێك بوو لە شكستە گەورەكانیان لە كۆتایی قسەكانیشی بە دەنگێكی بەرز گوتی "دوای كاك نەوشیروان قیادەیەكی فاشیلمان هەبوو".
1100 كەس لە دەستەی دامەزرێنەران وازیان هێناوە
شاخەوان رەئووف بەگ، ئەندامی لیژنەی باڵای كۆنفرانسی نیشتمانی بزووتنەوەی گۆڕان باڵی كوردسات وەك یەكێك لە میوانەكانی بەرنامەكە ئاشكرای دەكات كە 1100 كەس لە دەستەی دامەزرێنەرانی گۆڕان وازیان هێناوە، بەڵام ناویان بۆ كۆنفرانس هاتۆتەوە، ناوبراو بە توندی رەتی دەكاتەوە كە هیچ هاوڕێیەكیان بە زمانی زبر لەبارەی نەوشیروان مستەفا (دامەزرێنەری بزووتنەوەی گۆڕان) قسەی كردبێت. سەبارەت بە كۆنفرانسی گۆڕان ئەوەی روونكردەوە كە بڕیار بوو 26- 04-2025 هەموو لایەنەكانە گۆڕان لە كۆنفرانسی بەشداربن، بەڵام ئەوە بەدەی نەهاتووە هۆكارەكانیش زۆر بوون یەكێك لەوانە "بەشێك لە ئەندامانی كۆنفرانس كارتی نیشتمانییان نەبووە". ئەو بەرپرسەی گۆڕان – كوردسات جەخت لەوەش دەكاتەوە پابەندن بە هەموو بڕیارەكانی كۆمیسیۆن، رەخنەی ئەوەش لە
كۆنفرانسی 4 ئایار بزوتنەوەی گۆڕانی گردەكە دەگرێت دەڵێت "ئەو كۆنفرانسە بە فەرمی پەسند نەكراوە".
شاخەوان رەئووف ئەوەش رووندەكاتەوە بۆ كۆنفرانسەكەی خۆیان پێشتر ئەوەیان زانیوە كە نیساب (رێژەی پێویست) بۆ بەستنی كۆنفرانس تەواو نابێت، بەڵام لەسەر داوای كۆمسیۆن بەدەم بەستنی كۆنفرانسەكەوە چوون.
لە بارەی كاتی بەستنی كۆنفرانسیش، ئاماژە بەوە دەكات چاوەڕێی كۆمیسیۆنن بۆ دەستنیشانكردنی رۆژەكەی.
شاخەوان گەلەیی ئەوەش دەكات كە "دەرگای گردەی زەرگەتە بەڕووی هەڵسووڕاوانی گۆڕان داخراوە".
لە رووداو ەوە زانیم گۆڕان پڕۆژەیەكی لەو جۆرەی هەیە
ئەحمەد عەزیز، ئەندامی پێشووی جڤاتی نیشتمانی بزووتنەوەی گۆڕان وەك میوانێكی دیكەی بەرنامەكە، ئەوە روون دەكاتەوە كە لە ساڵی 2018ەوە لە بزووتنەوەی گۆڕان نەماوە، بەڵام ناوی خراوەتە لیستی كۆنفرانس.
هەروەها ئاماژە بەوە دەكات كە بڕیاربوو بزووتنەوەی گۆڕان نوێگەری بكات، بەڵام بە بۆچوونی ئەو نەك ئەوە رووینەداوە، بەڵكو بزووتنەوەكە پاشەكشەیەكی زۆریشی كردوە، ئەحمەد عەزیز رەخنەی ئەوەش دەگرێت كە بزووتنەوەی گۆڕان لەسەر بنەمای دامەزراوەیی بەڕێوەنەچووە بۆ
ئەوەش باس لە نموونەیەك دەكات كە بەسەر خۆیدا هاتووە و دەیگێڕێتەوە لە كاتێكدا بەرپرسی ژووری ناوچە دابڕاوەكانی بزووتنەوەكە بووە، بەبێ ئاگاداری ئەو گۆڕان پڕۆژەیەكی پێشكەشی سەرۆكایەتی هەرێمی كوردستانی ئەو كاتە كردوە ئەو گووتی "لە رێگەی كەناڵی رووداوەوە زانیم گۆڕان پرۆژەی هەیە لەبارەی ناوچە دابڕاوەكان".
"بزووتنەوەكە و هاوڕێكانی كردە قوربانی كوڕەكانی"
ئەحمەد عەزیز ئەوەش ئاشكرا دەكات، كاتی خۆی 70% ئەندامانی جڤاتی نیشتمانی دژی ئەوە بوون كە گۆڕان بەشداری حكومەت بكات، بەڵام هەر بەشدارییان كرد بە" قسەی ئێمە نەكرا"
ئەحمەد عەزیز ئەوەش دەخاتەڕوو لە رووداوەكانی لە 16ی ئۆكتۆبەری 2017دا داوایان كردوە گۆڕان بەیاننامەیەكی ناڕەزایی دەربڕێت، بەڵام ئەوەشیان بەقسە نەكردوە "پێیان گوتم خۆتان وەك ژوورەكە بەیاننامەیەك دەربكەن".
ئەو بەرپرسەی پێشووی گۆڕان بە راشكاوی رایدەگەیەنێت كە "رێبازی نەوشیروان مستەفا ئێستا بەردەوام نییە، كاك نەوشیروان بزووتنەوەكە و هاوڕێكانی كردە قوربانی كوڕەكانی".
زۆر حیزب هاتوونەتە سەر سفر و دواتر دەستیانپێكردووەتەوە
د. ئاكۆ حەمەكەریم، هەڵگری بڕوانامەی دكتۆرا لە زانستە سیاسییەكان میوانێكی دیكەی ئەم بەرنامەیە بوو، ئەو جەختی كردەوە لەوەی تاوەكو ئێستا پەیوەندی بە بزووتنەوەی گۆڕانەوە هەیە و بەرپرسیارێتی ئەوەش هەڵدەگرێت. د. ئاكۆ حەمەكەریم چەند خاڵێكی گرنگی سەبارەت بە دۆخی بزووتنەوەی گۆڕان و ئایندەی ئەو بزووتنەوەیە خستووەتەروو لەو بڕوایەشدا بوو گۆڕان دەتوانێ دووبارە خۆی رێكبخاتەوە و گوتی "زۆر حیزب هاتوونەتە سەر سفر و دواتر دەستیانپێكردووەتەوە".
لە بەشێكی دیكەی قسەكانی جەختی كردەوە لەوەی وەك نوێنەری فەرمی گۆڕان بەشداری بەرنامەكەی نەكردووە. ناوبراو رەخنەیەكی گرنگی خستووەتە روو كە "گۆڕان لە سەردەمی كاك نەوشیروانەوە لە گوتاری خۆی دووركەوتەوە". د.ئاكۆ ئەوەشی خستەڕوو "كاتی خۆی گۆڕان بەڵێنی زۆری بە هاونیشتمانییان دا بۆیە خەڵكی چاوەڕوانی زۆریان لێهەبوو".
ئەو كە سەردەمانێك لەنێو ئەو بزووتنەوەیەدا رۆڵی هەبووە، دانی بەوەدا نا كە "پێمانوابوو لەنێو دەسەڵاتەوە دەتوانین گۆڕانكاریی بكەین"، ئەوەش ئاماژەیە بۆ ستراتیجی بەشداریكردن لە حكومەت.
هۆشداری ئەوەشیدا "ئەگەر هەردوو لایەنی كێشەكە (گۆڕانی كوردسات و گۆڕانی گردەكە) رێككەوتن نەكەن ئەوا بزووتنەوەی گۆڕان نامێنێت".
لە تێكڕای لێدوانەكانی د. ئاكۆ حەمەكەریم دەردەكەوێت كە ناوبراو هەرچەند رەخنەی لە ئەدای گۆڕان هەیە، بەڵام بڕوای بە ئیمكانیەتی گەڕانەوەی بزووتنەوەكە هەیە، بە مەرجێك رێككەوتنی ناوخۆیی دروست بكرێت
ئەم بەرنامەیە شەوی 27-04-2025 پێشكێش كرا و میوانە سەرەكییەكانیش پێكهاتبوون لە
- د. ئاكۆ حەمەكەریم، هەڵگری بڕوانامەی دكتۆرا لە زانستە سیاسییەكان
- ئەحمەد عەزیز، ئەندامی پێشووی جڤاتی نیشتمانی بزووتنەوەی گۆڕان
- كارزان گەردی، ئەندامی جڤاتی نیشتمانی بزووتنەوەی گۆڕان - گردەكە
- شاخەوان رەئووف بەگ، ئەندامی لیژنەی باڵای كۆنفرانسی نیشتمانی بزوتنەوەی گۆڕان - كوردسات
به‌شی بكه لە
