لەگەڵ رەنج - لە بەغدا و هەولێر جیاوازییەکی زۆر لەنێوان مووچەی قوربانیانی دەستی رژێمی بەعس هەیە
سێ ساڵە رووفاتی 172ئەنفالكراو لە پزیشكی دادوەریی بەغدایە
شوان كەلاری كە 42كەسی بنەماڵەكەی ئەنفالكراوە و ئێستا لەسەر یەكێكە لە پارتە كوردییەكانی باشووری كوردستان بووتە پەرلەمانتاری عێراق لە بەشێكی ئەم بەرنامەیەدا ئەوەی روونكردەوە كە كەمتەرخەمی زۆر بەرامبەر كەسوكاری ئەنفالكراوان و قوربانیانی دەستی رژێمی بەعس دەكرێت نەك بە تەنها لەلایەن حكومەتی ئێستا عێراقەوە، بەڵكو هەندێجار كەمترخەمییەكە لەلایەن حكومەتی هەرێمی كوردستانیشەوەیە ئەو دەڵێت "زیاتر لە سێ ساڵە رووفاتی 172ئەنفالكراو لە پزیشكی دادوەریی بەغدایە تاوەكوئێستا نەهێنراوەتەوە كوردستان، كە ئەوە بەشێك لە كەمترخەمییەكە لە خۆمانەوەیە وەك هەرێمی كوردستان".
بەبێبەرامبەر یەكەی نیشتەجێبوون بۆ وارسی شەهیدان دروست دەكرێت
ئەحمەد مام رەسوڵ، بەڕێوەبەری گشتیی خزمەتگوزارییەكانی كەسوكاری شەهیدان و زیندانییانی سیاسی، لە دەستپێكی قسەكانی لەم بەرنامەیەدا ئەوەی خستەڕوو پێداچوونەوە بە لیستی مووچەی وارسی شەهیدان و قوربانییاندا دەكرێت بەجۆرێك كە دادپەروەری تێدا بێت، هەوڵدان بۆ ئەوەی مووچەی وارسی شەهیدان و زیندانیانی سیاسی بخرێتە سەر حكومەتی عێراق بەبۆچوونی ئەحمەد مام رەسوڵ هەوڵێكی نوێ نییە لە كابینەی هەشتەوە ئەو هەوڵە هەبووە بەغدا "چەندینجار سەردانی بەغدامان كردووە بۆ مافی زیندانییە سیاسییەكان، چونكە بەپێی دەستوور، حكومەتی عێراق پابەندكراوە بە قەرەبووكردنەوەی زیانلێكەوتووانی دەستی بەعس".
دروستكردنی یەكەی نیشتەجێبوون بەبێ بەرامبەر بۆ كەسوكاری قوربانیان و شەهیدان بەتایبەت بۆ ئەوانەی سوودمەند نەبوون ئەو مژدەیە بوو كە ئەحمەد مام رەسوڵ لەم بەرنامەیەدا رایگەیاند و گوتیشی "ئەو یەكانە بەبێ جیاوازی لە سلێمانیو هەولێر و دهۆك دروست دەكرێن". هەندێ لە زیندانیان و وارسی شەهیدان و قوربانیانی دەستی بەعس لەگەڵ ئەوەی زەوییان پێدراوە، بەڵام تاوەكو ئێستا نەیانتوانیوە بیكەنە یەكەی نیشتەجێ بوون هۆكارەكەشی وەك ئەو بەڕێوەبەرە گشتیەی وەزارەتی كاروباری شەهیدان گوتی "هەندێ لە جوتیاران رازی نابن ئەو زەویانەی ساڵانێكە كاریان لەسەركردوە رادەستی بكەن وەك دەڵێن عەنتەری دەكەن بۆیە دەبێت وەزارەتی شارەوانی ئەم گرفتە چارەسەر بكات".
لە كۆتایی قسەكانی ئەحمەد مام رەسوڵ، داوای لە نێچیرڤان بارزانی سەرۆكی هەرێمی كوردستان كرد كە بۆ پشتگیری كەسوكاری شەهیدان و زیندانیانی سیاسی پرۆژەیەكی هەبێت و داواكارییەكانیان بگەیەنێتە حكومەتی عێراق.
پێویستە كورد بۆردێكی یاسایی بەهێزی هەمیشەیی لە بەغدا هەبێت
شوان كەلاری، ئەندامی لیژنەی شەهیدان لە پەرلەمانی عێراق كە لە ستودیۆی سلێمانییەوە بەشداری بەرنامەكی كرد ئەوەی خستەڕوو بەغدا بەردەوام فێڵ لە قوربانیانی دەستی بەعس لە كوردستان دەكات، جیاوازی دەكات لەنێوان قوربانییانی كورد و قوربانییانی عەرەب، بۆیە پێشنیاز دەكات كورد لە بەغدا بۆردێكی یاسایی بەهێزی هەمیشەیی هەبێت و گوتیشی "لە هەرێمی كوردستان بە سێ كەسی ئەنفالكراو یەك مووچەی 450هەزار دیناری دەدرێت، بەڵام لە بەغدا بۆ وارسی یەك شەهید یاخوود یەك زیندانی سیاسی یەك ملیۆن 200هەزار دینار دەدرێت".
شتێكی دیكە كە بۆ شوان بووەتە جێگای شەرم، مانەوەی رووفاتی ژمارەیەك لە ئەنفاكراوە لە پزیشكی دادوەری بەغدا بۆ ماوەی زیاتر لە سێ ساڵ هەروەك گوتی "سێ ساڵ و نیوە رووفاتی 172ئەنفالكراو لە پزیشكی دادوەریی بەغدا ماوەتەوە نەهێنراوەتەوە نازانین كێ بەرپرسە بۆ ناهێنرێنەوە؟"
نالۆژیكییە رێگری لە یادی 14ی چوار بكرێت
بەپێی بەدواداچوونەكانی ئەو پەرلەمانتارە كوردە لە ئایندەدا یاسای دامەزراوەی شەهیدانی عێراق لە پەرلەمان هەموار دەكرێتەوە ئەوكاتەش لایەنە كوردستانییەكان دەتوانن كارێك بكەن بە سوودی قوربانیان لە هەرێمی كوردستان هەموارەكە بكرێت.
شوان كەلاری بە نالۆژیكیی دەزانێ كە لە 14ی چواردا كەسوكاری ئەنفالكراوان رێگریی لە یادكردنەوەی ئەو رۆژە بكەن بۆ هۆكارەكەشی گوتی "كەسوكاری قوربانیان 365رۆژیان لەبەردەمەدایە بۆ خۆپیشاندان ناڕەزایی دەربڕین، ناكرێت لەو رۆژەدا رێگری بكەن، بە پێچەوانەوە دەبێت ئەو رۆژە بكەینە رۆژی هیوا بەخشینەوە بۆ كەسوكاری ئەنفالكراوەكان".
ئەو جەختی لەوە كردەوە كە راستە كەموكوڕی هەیە و كاری زۆر ماوە بۆ كەسوكاری ئەنفالكراوەكان بكرێت، "بەڵام كاری باشیش كراوە بەنموونە لە سەردەمی سەرۆكایەتی حكومەتی كاك نێچیرڤان بارزانی دا نزیكەی پێنج هەزار یەكەی نیشتەجێبوون بۆ كەسوكاری ئەنفالكراوەكان دروست كرا".
ئومێد خۆشناو چی بە زیندانە سیاسییەكان گوتووە؟ شەرم دەكەم
بەهادین عەزیز، جێگری سەرۆكی كۆمكاری زیندانییە سیاسییەكانی كوردستان وەك میوانێكی دیكەی بەرنامەكە ئەوەی خستەڕوو كاركردن بۆ یەكلایی كردنەوەی كەیسی زیندانیانی سیاسی زۆر بەخاوی بەرێوەدەچێت ئەو دەڵێت "زیاتر لە 25هەزار كەیسی زیندانی سیاسی هەیە بە چوار ساڵ كاركردن پێج هەزار كەس لە وەزارەتی كاروباری شەهیدان پشتڕاستكراوەتەوە كە زیندانی سیاسی بوون، ئەی باشە ئەو 20 هەزار كەیسەی دیكە چۆن و كەی یەكلای دەكرێنەوە؟ بەڕاستی كارێكی خراپە دەبێت پەلە لەو كارە بكرێت".
ئەو رەخنەی دیكەشی لە وەزارەتی كاروباری شەهیدان هەبوو ئەویش پەیوەندی بە راگرتنی مینحەی زیندانیانی سیاسییەوە هەیەو گوتی "یەكەم كاری ئەم وەزارەت ئەوە بوو مینحەی زیندانیانی سیاسی راگرت، كە نەدەبوو ئەوە بكات".جێگری سەرۆكی كۆمكاری زیندانییە سیاسییەكانی كوردستان ئەوەشی خستەڕوو كە جارێك بۆ وەرگرتنی مۆڵەتی خۆپیشاندان سەردانی ئومێد خۆشناو پارێزگاری هەولێریان كردوە و گوتی "بەراستی كاك ئومێد پێی گووتین شەرم دەكەم ئێوە بچنە سەر شەقام بۆ داواكارییەكانتان".
لەسەر وەرەقە هیچ گرفتێكمان نییە و هەمووان بۆمان دەگرین
عەلی محەممەد، سەرۆكی كۆمكاری زیندانییە سیاسییەكانی كوردستان، وەك میوانێكی دیكەی بەرنامەكە باسی لەوە كرد كاتی خۆی كە سەرۆك بارزانی، سەرۆكی هەرێمی كوردستان بووە واژۆی لەسەر كۆمەڵێك ئیمتیازی زۆر باشی زیندانە سیاسییەكان كردوە و گوتی "تەنها ئەو ئیمتیازانەی سەرۆك بارزانی بۆی واژۆ كردوین بماندەنێ هیچ گرفتێكمان نامێنێ". سەرۆكی كۆمكاری زیندانییە سیاسییەكانی كوردستان جەختی لەوە كردەوە كە بە نوسراو لەسەر وەرەقە هیچ گرفتێكیان نییە، هەروەك خۆی گووتی "دەچینە هەر لایەك دەڵێن لەسەر حەقن و مافتان خووراوە و وای لێهاتووە هەمووان بۆمان دەگرین، بەڵام كە دێتە سەر جێبەجێ كردن هیچمان بۆ ناكرێت، بەراستی زیندانی سیاسیمان هەیە لە بێ پارەیدا خەریكی كۆكردنەوەی قوتووی سەر شەقامەكانە".
بۆ ماوەی بیستوچوار كاژێر شیری دایكە مردوەكەی خواردوە
سابیر خۆشناو، سەرۆكی رێكخراوی كیمیاباران و ئەنفالكراوەكان كە 54ساڵ پێشمەرگە بووە جەختی لەوە كردەوە كە قوربانیانی دەستی رژێمی بەعس لە هەرێمی كوردستان بە تەواوەتی مافخوراون "لە بێچارەسەریدا 45 برینداری چەكی كیمیایی سنووری بالیسان خەریكە بە تەواوەتی بیناییان لەدەست دەدەن". لۆگۆی رێكخراوەكەی سابیر خۆشناو، وێنەی كچێكە لەبارە سەربووردەی ئەو وێنەیە گوتی "ئەو كچە شەش مانگ بووە لەگەڵ دایكی لەشاخ بووە، دایكی بەهۆی بۆردوومانی فڕۆكەوە گیانی لەدەستداوە ئەویش بریندار بووە، بەڵام گیانی لەدەستنەداوە و بۆ ماوەی بیستوچوار كاژێر شیری دایكە مردوەكەی خواردوە بەو جۆرە ماوەتەوە تاوەكو شوانێك دۆزیوێتیەوە سەباری هەموو ئەو نەهامەتیانەی بەسەریدا هاتووە تاوەكوئێستا مووچەیەكی چوار سەد هەزاری دیناریان پێ رەوانەبینیوە ئێستا بۆیە نەهاتووە بۆ ئەم بەرنامەیە، چونكە تازە لە چارەسەری نەخۆشییەكی لە توركیا گەڕاوەتەوە كوردستان، خەڵكیش هەیە تۆمەتباری بەشداریكردنی ئەنفالە و ئێستا مووچەی هەیە".
لە 25 هەزار زیندانی سیاسی تەنیا 5 هەزار یان مووچەیان هەیە
سوسەن محەممەد، سەرۆكی لیژنەی كاروباری شەهیدان لە پەرلەمانی كوردستان وەك میوانێكی دیكەی ئەم بەرنامەیە باسی لەوە كرد قوربانییانی دەستی بەعس لە كوردستاندا گرفتیان زۆرە و بە ئاسانی كێشەكانیان چارەسەر ناكرێن گوتیشی"بەداخەوە بەغدا قەرەبووی كوەیت و قوربانییانی عەرەبی كردووەتەوە و كوردی پەراوێزخستووە، بۆیە پێویستە شاندەكانی هەرێمی كوردستان داوای قەرەبووی قوربانییان لە بەغدا بكەن". ئەو رەخنەی لە وەزارەتی كاروباری شەهیدانی هەرێمی كوردستانیش گرت بەوەی لە 25 هەزار زیندانی سیاسی تەنیا 5 هەزار یان ئێستا مووچەیان هەیە گوتیشی "هەندێ شت هەیە كەسوكاری شەهیدان و زیندانیانی سیاسی و قوربانییەكانی دەستی بەعس زانیارییان لەبارەیەوە كەمە بەنمونە ئێستا بەپێی بڕیاری حكومەتی هەرێمی كوردستان، كەسوكاری ئەو قوربانیانە لە نەخۆشخانە حكومییەكان دەبێت بەبێ بەرامبەر چارەسەریان بۆ بكرێت و لە نەخۆشخانە تایبەتەكانیش دەبێت نیوە پارەی چارەسەر و نەشتەرگەرییەكانیان بدەن، بەڵام زۆرینەی كەسوكاری قوربانییەكان ئاگایان لەم خزمەتگوزارییە نییە". سەرۆكی لیژنەی كاروباری شەهیدان لە پەرلەمانی كوردستان رەخنەی ئەوەشی لە وەزارەتی كاروباری شەهیدان گرت بەوەی كەمترخەمبوون لە گەڕانەوە رووفاتی ئەنفالكراوەكان گوتی "ئەو 172 رووفاتەی كە دەگوترێ لە پزیشكی دادوەری بەغدایە و ماوەی زیاتر لە سێ ساڵە ماوەتەوە، بودجەش بۆ هێنانەوەیان تەرخان كراوە، بەڵام بەداخەوە كەمترخەمی دەكرێت لە گەڕانەوەیان".
ئەم بەرنامەیە شەوی 07-05-2023 پێشكەش كراو میوانەكانیش پێكهاتبوون لە
* ئەحمەد مام رەسوڵ، بەڕێوەبەری گشتیی خزمەتگوزارییەكانی كەسوكاری شەهیدان و زیندانییانی سیاسی
*سوسەن محەممەد، سەرۆكی لیژنەی كاروباری شەهیدان لە پەرلەمانی كوردستان
*شوان كەلاری، ئەندامی لیژنەی شەهیدان لە پەرلەمانی عێراق
*عەلی محەممەد، سەرۆكی كۆمكاری زیندانییە سیاسییەكانی كوردستان
*بەهادین عەزیز، جێگری سەرۆكی كۆمكاری زیندانییە سیاسییەكانی كوردستان
*سابیر خۆشناو، سەرۆكی رێكخراوی كیمیاباران و ئەنفالكراوەكان
شوان كەلاری كە 42كەسی بنەماڵەكەی ئەنفالكراوە و ئێستا لەسەر یەكێكە لە پارتە كوردییەكانی باشووری كوردستان بووتە پەرلەمانتاری عێراق لە بەشێكی ئەم بەرنامەیەدا ئەوەی روونكردەوە كە كەمتەرخەمی زۆر بەرامبەر كەسوكاری ئەنفالكراوان و قوربانیانی دەستی رژێمی بەعس دەكرێت نەك بە تەنها لەلایەن حكومەتی ئێستا عێراقەوە، بەڵكو هەندێجار كەمترخەمییەكە لەلایەن حكومەتی هەرێمی كوردستانیشەوەیە ئەو دەڵێت "زیاتر لە سێ ساڵە رووفاتی 172ئەنفالكراو لە پزیشكی دادوەریی بەغدایە تاوەكوئێستا نەهێنراوەتەوە كوردستان، كە ئەوە بەشێك لە كەمترخەمییەكە لە خۆمانەوەیە وەك هەرێمی كوردستان".
بەبێبەرامبەر یەكەی نیشتەجێبوون بۆ وارسی شەهیدان دروست دەكرێت
ئەحمەد مام رەسوڵ، بەڕێوەبەری گشتیی خزمەتگوزارییەكانی كەسوكاری شەهیدان و زیندانییانی سیاسی، لە دەستپێكی قسەكانی لەم بەرنامەیەدا ئەوەی خستەڕوو پێداچوونەوە بە لیستی مووچەی وارسی شەهیدان و قوربانییاندا دەكرێت بەجۆرێك كە دادپەروەری تێدا بێت، هەوڵدان بۆ ئەوەی مووچەی وارسی شەهیدان و زیندانیانی سیاسی بخرێتە سەر حكومەتی عێراق بەبۆچوونی ئەحمەد مام رەسوڵ هەوڵێكی نوێ نییە لە كابینەی هەشتەوە ئەو هەوڵە هەبووە بەغدا "چەندینجار سەردانی بەغدامان كردووە بۆ مافی زیندانییە سیاسییەكان، چونكە بەپێی دەستوور، حكومەتی عێراق پابەندكراوە بە قەرەبووكردنەوەی زیانلێكەوتووانی دەستی بەعس".
دروستكردنی یەكەی نیشتەجێبوون بەبێ بەرامبەر بۆ كەسوكاری قوربانیان و شەهیدان بەتایبەت بۆ ئەوانەی سوودمەند نەبوون ئەو مژدەیە بوو كە ئەحمەد مام رەسوڵ لەم بەرنامەیەدا رایگەیاند و گوتیشی "ئەو یەكانە بەبێ جیاوازی لە سلێمانیو هەولێر و دهۆك دروست دەكرێن". هەندێ لە زیندانیان و وارسی شەهیدان و قوربانیانی دەستی بەعس لەگەڵ ئەوەی زەوییان پێدراوە، بەڵام تاوەكو ئێستا نەیانتوانیوە بیكەنە یەكەی نیشتەجێ بوون هۆكارەكەشی وەك ئەو بەڕێوەبەرە گشتیەی وەزارەتی كاروباری شەهیدان گوتی "هەندێ لە جوتیاران رازی نابن ئەو زەویانەی ساڵانێكە كاریان لەسەركردوە رادەستی بكەن وەك دەڵێن عەنتەری دەكەن بۆیە دەبێت وەزارەتی شارەوانی ئەم گرفتە چارەسەر بكات".
لە كۆتایی قسەكانی ئەحمەد مام رەسوڵ، داوای لە نێچیرڤان بارزانی سەرۆكی هەرێمی كوردستان كرد كە بۆ پشتگیری كەسوكاری شەهیدان و زیندانیانی سیاسی پرۆژەیەكی هەبێت و داواكارییەكانیان بگەیەنێتە حكومەتی عێراق.
پێویستە كورد بۆردێكی یاسایی بەهێزی هەمیشەیی لە بەغدا هەبێت
شوان كەلاری، ئەندامی لیژنەی شەهیدان لە پەرلەمانی عێراق كە لە ستودیۆی سلێمانییەوە بەشداری بەرنامەكی كرد ئەوەی خستەڕوو بەغدا بەردەوام فێڵ لە قوربانیانی دەستی بەعس لە كوردستان دەكات، جیاوازی دەكات لەنێوان قوربانییانی كورد و قوربانییانی عەرەب، بۆیە پێشنیاز دەكات كورد لە بەغدا بۆردێكی یاسایی بەهێزی هەمیشەیی هەبێت و گوتیشی "لە هەرێمی كوردستان بە سێ كەسی ئەنفالكراو یەك مووچەی 450هەزار دیناری دەدرێت، بەڵام لە بەغدا بۆ وارسی یەك شەهید یاخوود یەك زیندانی سیاسی یەك ملیۆن 200هەزار دینار دەدرێت".
شتێكی دیكە كە بۆ شوان بووەتە جێگای شەرم، مانەوەی رووفاتی ژمارەیەك لە ئەنفاكراوە لە پزیشكی دادوەری بەغدا بۆ ماوەی زیاتر لە سێ ساڵ هەروەك گوتی "سێ ساڵ و نیوە رووفاتی 172ئەنفالكراو لە پزیشكی دادوەریی بەغدا ماوەتەوە نەهێنراوەتەوە نازانین كێ بەرپرسە بۆ ناهێنرێنەوە؟"
نالۆژیكییە رێگری لە یادی 14ی چوار بكرێت
بەپێی بەدواداچوونەكانی ئەو پەرلەمانتارە كوردە لە ئایندەدا یاسای دامەزراوەی شەهیدانی عێراق لە پەرلەمان هەموار دەكرێتەوە ئەوكاتەش لایەنە كوردستانییەكان دەتوانن كارێك بكەن بە سوودی قوربانیان لە هەرێمی كوردستان هەموارەكە بكرێت.
شوان كەلاری بە نالۆژیكیی دەزانێ كە لە 14ی چواردا كەسوكاری ئەنفالكراوان رێگریی لە یادكردنەوەی ئەو رۆژە بكەن بۆ هۆكارەكەشی گوتی "كەسوكاری قوربانیان 365رۆژیان لەبەردەمەدایە بۆ خۆپیشاندان ناڕەزایی دەربڕین، ناكرێت لەو رۆژەدا رێگری بكەن، بە پێچەوانەوە دەبێت ئەو رۆژە بكەینە رۆژی هیوا بەخشینەوە بۆ كەسوكاری ئەنفالكراوەكان".
ئەو جەختی لەوە كردەوە كە راستە كەموكوڕی هەیە و كاری زۆر ماوە بۆ كەسوكاری ئەنفالكراوەكان بكرێت، "بەڵام كاری باشیش كراوە بەنموونە لە سەردەمی سەرۆكایەتی حكومەتی كاك نێچیرڤان بارزانی دا نزیكەی پێنج هەزار یەكەی نیشتەجێبوون بۆ كەسوكاری ئەنفالكراوەكان دروست كرا".
ئومێد خۆشناو چی بە زیندانە سیاسییەكان گوتووە؟ شەرم دەكەم
بەهادین عەزیز، جێگری سەرۆكی كۆمكاری زیندانییە سیاسییەكانی كوردستان وەك میوانێكی دیكەی بەرنامەكە ئەوەی خستەڕوو كاركردن بۆ یەكلایی كردنەوەی كەیسی زیندانیانی سیاسی زۆر بەخاوی بەرێوەدەچێت ئەو دەڵێت "زیاتر لە 25هەزار كەیسی زیندانی سیاسی هەیە بە چوار ساڵ كاركردن پێج هەزار كەس لە وەزارەتی كاروباری شەهیدان پشتڕاستكراوەتەوە كە زیندانی سیاسی بوون، ئەی باشە ئەو 20 هەزار كەیسەی دیكە چۆن و كەی یەكلای دەكرێنەوە؟ بەڕاستی كارێكی خراپە دەبێت پەلە لەو كارە بكرێت".
ئەو رەخنەی دیكەشی لە وەزارەتی كاروباری شەهیدان هەبوو ئەویش پەیوەندی بە راگرتنی مینحەی زیندانیانی سیاسییەوە هەیەو گوتی "یەكەم كاری ئەم وەزارەت ئەوە بوو مینحەی زیندانیانی سیاسی راگرت، كە نەدەبوو ئەوە بكات".جێگری سەرۆكی كۆمكاری زیندانییە سیاسییەكانی كوردستان ئەوەشی خستەڕوو كە جارێك بۆ وەرگرتنی مۆڵەتی خۆپیشاندان سەردانی ئومێد خۆشناو پارێزگاری هەولێریان كردوە و گوتی "بەراستی كاك ئومێد پێی گووتین شەرم دەكەم ئێوە بچنە سەر شەقام بۆ داواكارییەكانتان".
لەسەر وەرەقە هیچ گرفتێكمان نییە و هەمووان بۆمان دەگرین
عەلی محەممەد، سەرۆكی كۆمكاری زیندانییە سیاسییەكانی كوردستان، وەك میوانێكی دیكەی بەرنامەكە باسی لەوە كرد كاتی خۆی كە سەرۆك بارزانی، سەرۆكی هەرێمی كوردستان بووە واژۆی لەسەر كۆمەڵێك ئیمتیازی زۆر باشی زیندانە سیاسییەكان كردوە و گوتی "تەنها ئەو ئیمتیازانەی سەرۆك بارزانی بۆی واژۆ كردوین بماندەنێ هیچ گرفتێكمان نامێنێ". سەرۆكی كۆمكاری زیندانییە سیاسییەكانی كوردستان جەختی لەوە كردەوە كە بە نوسراو لەسەر وەرەقە هیچ گرفتێكیان نییە، هەروەك خۆی گووتی "دەچینە هەر لایەك دەڵێن لەسەر حەقن و مافتان خووراوە و وای لێهاتووە هەمووان بۆمان دەگرین، بەڵام كە دێتە سەر جێبەجێ كردن هیچمان بۆ ناكرێت، بەراستی زیندانی سیاسیمان هەیە لە بێ پارەیدا خەریكی كۆكردنەوەی قوتووی سەر شەقامەكانە".
بۆ ماوەی بیستوچوار كاژێر شیری دایكە مردوەكەی خواردوە
سابیر خۆشناو، سەرۆكی رێكخراوی كیمیاباران و ئەنفالكراوەكان كە 54ساڵ پێشمەرگە بووە جەختی لەوە كردەوە كە قوربانیانی دەستی رژێمی بەعس لە هەرێمی كوردستان بە تەواوەتی مافخوراون "لە بێچارەسەریدا 45 برینداری چەكی كیمیایی سنووری بالیسان خەریكە بە تەواوەتی بیناییان لەدەست دەدەن". لۆگۆی رێكخراوەكەی سابیر خۆشناو، وێنەی كچێكە لەبارە سەربووردەی ئەو وێنەیە گوتی "ئەو كچە شەش مانگ بووە لەگەڵ دایكی لەشاخ بووە، دایكی بەهۆی بۆردوومانی فڕۆكەوە گیانی لەدەستداوە ئەویش بریندار بووە، بەڵام گیانی لەدەستنەداوە و بۆ ماوەی بیستوچوار كاژێر شیری دایكە مردوەكەی خواردوە بەو جۆرە ماوەتەوە تاوەكو شوانێك دۆزیوێتیەوە سەباری هەموو ئەو نەهامەتیانەی بەسەریدا هاتووە تاوەكوئێستا مووچەیەكی چوار سەد هەزاری دیناریان پێ رەوانەبینیوە ئێستا بۆیە نەهاتووە بۆ ئەم بەرنامەیە، چونكە تازە لە چارەسەری نەخۆشییەكی لە توركیا گەڕاوەتەوە كوردستان، خەڵكیش هەیە تۆمەتباری بەشداریكردنی ئەنفالە و ئێستا مووچەی هەیە".
لە 25 هەزار زیندانی سیاسی تەنیا 5 هەزار یان مووچەیان هەیە
سوسەن محەممەد، سەرۆكی لیژنەی كاروباری شەهیدان لە پەرلەمانی كوردستان وەك میوانێكی دیكەی ئەم بەرنامەیە باسی لەوە كرد قوربانییانی دەستی بەعس لە كوردستاندا گرفتیان زۆرە و بە ئاسانی كێشەكانیان چارەسەر ناكرێن گوتیشی"بەداخەوە بەغدا قەرەبووی كوەیت و قوربانییانی عەرەبی كردووەتەوە و كوردی پەراوێزخستووە، بۆیە پێویستە شاندەكانی هەرێمی كوردستان داوای قەرەبووی قوربانییان لە بەغدا بكەن". ئەو رەخنەی لە وەزارەتی كاروباری شەهیدانی هەرێمی كوردستانیش گرت بەوەی لە 25 هەزار زیندانی سیاسی تەنیا 5 هەزار یان ئێستا مووچەیان هەیە گوتیشی "هەندێ شت هەیە كەسوكاری شەهیدان و زیندانیانی سیاسی و قوربانییەكانی دەستی بەعس زانیارییان لەبارەیەوە كەمە بەنمونە ئێستا بەپێی بڕیاری حكومەتی هەرێمی كوردستان، كەسوكاری ئەو قوربانیانە لە نەخۆشخانە حكومییەكان دەبێت بەبێ بەرامبەر چارەسەریان بۆ بكرێت و لە نەخۆشخانە تایبەتەكانیش دەبێت نیوە پارەی چارەسەر و نەشتەرگەرییەكانیان بدەن، بەڵام زۆرینەی كەسوكاری قوربانییەكان ئاگایان لەم خزمەتگوزارییە نییە". سەرۆكی لیژنەی كاروباری شەهیدان لە پەرلەمانی كوردستان رەخنەی ئەوەشی لە وەزارەتی كاروباری شەهیدان گرت بەوەی كەمترخەمبوون لە گەڕانەوە رووفاتی ئەنفالكراوەكان گوتی "ئەو 172 رووفاتەی كە دەگوترێ لە پزیشكی دادوەری بەغدایە و ماوەی زیاتر لە سێ ساڵە ماوەتەوە، بودجەش بۆ هێنانەوەیان تەرخان كراوە، بەڵام بەداخەوە كەمترخەمی دەكرێت لە گەڕانەوەیان".
ئەم بەرنامەیە شەوی 07-05-2023 پێشكەش كراو میوانەكانیش پێكهاتبوون لە
* ئەحمەد مام رەسوڵ، بەڕێوەبەری گشتیی خزمەتگوزارییەكانی كەسوكاری شەهیدان و زیندانییانی سیاسی
*سوسەن محەممەد، سەرۆكی لیژنەی كاروباری شەهیدان لە پەرلەمانی كوردستان
*شوان كەلاری، ئەندامی لیژنەی شەهیدان لە پەرلەمانی عێراق
*عەلی محەممەد، سەرۆكی كۆمكاری زیندانییە سیاسییەكانی كوردستان
*بەهادین عەزیز، جێگری سەرۆكی كۆمكاری زیندانییە سیاسییەكانی كوردستان
*سابیر خۆشناو، سەرۆكی رێكخراوی كیمیاباران و ئەنفالكراوەكان
بهشی بكه لە
