پارتی و یەکێتی لەبارەی حکومەت و پۆستەکانی کورد لە بەغدا کۆدەبنەوە

 

 

فەرەیدوون عەبدولقادر، سیاسەتڤان لە بەرنامەی رووداوی ئەمڕۆ گوتی، پێویستە پارتی و یەکێتی رێگەی سازان بگرنەبەر و کورد پێویستی بە ئیرادەیەکی یەکگرتووە لە بەغدا.

 

ئەو سیاسەتڤانە گوتیشی، "پارتی و یەکێتی پاکیجەکانی هەولێر و بەغدا لە دانوستاندن تێکەڵ دەکەن و بیستوومە بافڵ تاڵەبانی دەخوازێت ببێتە سەرۆککۆماری عێراق، بەڵام بەدبەختییە کورد لەسەر کورسی سەرۆککۆماری عێراق تووشی ناکۆکی ببێت".

 

لە بەشێکی دیکەی گوتەکانیشی فەرەیدوون عەبدولقادر باسی لەوە کرد، پارتی و یەکێتی تووشی "قەیرانی متمانە و گومانکردن" لە یەکتر بوون و مەترسیی ئەمنی لەسەر هەرێمی کوردستان هەیە و دەڵێت: "قەبارەی مەترسییەکانی سەر هەرێمی کوردستان زۆر گەورەن و زۆرینەی کێشە و مەترسییەکان لە عێراقەوە دێن بۆ هەرێمی کوردستان".