نوێنەری مەسەدە لە ئەڵمانیا: گەشبین نین بە رێککەوتن لەگەڵ دیمەشق

د. رزگار قاسم،  نوێنەری مەسەدە لە ئەڵمانیا لە بەرنامەی رووداوی ئەمڕۆ گوتی: پێش ئەم رێککەوتنە چەند رێککەوتنێک لەنێوان هەسەدە و دیمەشق کراون و جێبەجێ نەکراون هەربۆیە گەشبین نین بەم رێککەوتنەش کە بۆ راگرتنی شەڕ لەنێوان هەسەدە و دەسەڵاتی سووریا کراوە و ئەزموونمان هەیە لەوەی کە دیمەشق پابەندی رێککەوتنەکان نابێت.

گوتیشی: دیمەشق جیدی نییە لە رێککەوتن و کۆتاییهێنان بە شەڕ، لەکاتێکدا سووپای عەرەبیی سووریا باس لە ئاگربەست دەکات، هاوکات گرووپە چەکدارەکان هێرش دەکەن.

هاوکات هەر لە بەرنامەی رووداوی ئەمڕۆ، د. کاوە عەزیزی،  ئەکادیمی و چالاکڤانی سیاسی باسی لە دۆخی ئێستای سووریا و رۆژئاوای کوردستان کرد و گوتی: دڵمان بەو دۆخەی رۆژئاوا دەیەشێت و مەترسیی هەیە پیلانگێڕییەکی نێودەوڵەتی دژی کورد لە سووریا بکرێت.

گوتیشی: دیمەشق دەیەوێت دەسەڵاتی خۆی بەسەر هەموو ناوچەکانی سووریا بسەپێنێت.