خەملا وڵات لە شاری بولام لە باکووری کوردستان

بولام شارێکی مێژوویی سەر بە پارێزگای سەمسوورە لە باکووری کوردستان.

لەو شارەی باکووری کوردستان چیرۆکێکی سەرنجڕاکێش هەیە، چیرۆکی سەید حەسەن و خۆشەویستەکەی زەرڤان کە دوو عاشقی ئەو شارەن و ئێستا "مەرقەدی" هەردووکیان لەو شارەیە و رۆژانە خەڵک بۆ پاڕانەوە و "مراز حاسڵی" سەردانی دەکەن.

یەکێک لە بەرهەمە دیارەکانی شاری بولام تووتنە.

لەو شارە ژیانی زۆربەی خەڵکی لەسەر چاندنی تووتنە. لە ساڵی 2021  لە سنووری ئەو شارەدا 17 هەزار تۆن تووتن بەرهمهێنراوە و رەوانەی شارەکانی دیکەی تورکیا و چەند وڵاتێکی ئەوروپا کراوە.