رووداو دیجیتاڵ
پۆلیسی سوێد رایگەیاند، لە رووداوێکی تەقەکردندا لە ناوەندێکی پەروەردەیی شاری ئۆبریۆ 10 کەس کوژران و 6ـی دیکەش بریندار بوون.
رووداوەکە ئەمڕۆ سێشەممە لە قوتابخانەی دواناوەندی ریبرێسیکا روویدا و کوشندەترین رووداوی هاوشێوەیە لە مێژووی سوێد.
رۆبەرت ئید فۆرێست، گوتەبێژی پۆلیسی شاری ئۆبریۆ لەبارەی رووداوەکە رایگەیاند، هێرشکارەکە خۆی کوشتووە و یەکێک لە کوژراوەکانیش پۆلیسە. هەروها پاڵنەری رووداوەکە "تیرۆریستی" نەبووە.
گوتەبێژەکەی پۆلیس ئاماژەی بەوەشدا، هێرشکارەکە تەنیا یەک کەس بووە و پێشینەی تاوانی نەبووە. تەمەنی هێرشکارەکە 35 ساڵ بووە، بەڵام ناسنامەکەی ئاشکرا نەکراوە.
هەروەها لەبارەی ئەگەری هێرشی دیکە، پۆلیس گوتی، لەو باوەڕەدا نین هێرشی دیکە ئەنجامبدرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ