رووداو دیجیتاڵ
پسپۆڕێکی مرۆڤناسی و کۆمەڵناسیی رۆژهەڵاتی کوردستان لە زانکۆی هارڤاردی ئەمریکا رایگەیاند، ئەو زانکۆیە بۆ یەکەمجار کۆرسێکی زمانی کوردی بۆ خوێندکارانی دکتۆرا دەکاتەوە.
د. ئەحمەد محەممەدپوور، پسپۆڕی مرۆڤناسی و کۆمەڵناسی و مامۆستای زانکۆی هارڤاردی ئەمریکا بە تۆڕی میدیایی رووداوی رایگەیاند، بۆ یەکەمجار زانکۆی هارڤارد کۆرسێکی زمانی کوردی بۆ خوێندکارانی دکتۆرا کردووەتەوە و داوای لەو کەسانە کرد کە دەیانەوێت بە زمانی کوردی دکتۆرا بخوێنن، لە کۆرسەکەدا ناونووسی بکەن.
بەگوتەی د. ئەحمەد محمەممەدپوور، ئەو کۆرسە بۆ یەکەمجارە لەو سێمسترە بە ناونووسکردنی چەند خوێندکارێکی دکتۆرا دەستیپێکردووە و ئەرکی مامۆستایەتیی کۆرسەکەش لە ئەستۆی خۆی دەبێت.
سەبارەت بە سەرچاوەکانی کۆرسەکەش دەڵێت، سوود لە بەرهەمەکانی د. حەیدەر خزری، د. محەممەد ساڵح و د. هاشم ئەحمەدزادە وەردەگرێت و هەر سێ زمانزانەکە سەرچاوەکانی خۆیان بۆ ئەو کۆرسە خستووەتە بەردەستی. دەشڵێت، بۆ سەرچاوەی سەرەکیی کۆرسەکە، لە کتێبی د. حەیدەر خزری کەڵک وەردەگرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ