ئیسرائیل بە چڕی هێرش دەکاتە سەر کۆمەڵگە پیشەسازییەکانی بەرهەمهێنانی پۆڵا لە ئێران. سەرۆکوەزیرانی ئیسرائیل دەڵێت، زیاتر لە 70٪ـی بەرهەمهێنانی پۆڵای ئێرانیان لەنێوبردووە. ئێران تاوەکو ئێستا ئەو ئامارەی پشتڕاست یان رەتنەکردووەتەوە، بەڵام ئەگەر رێژەی زیانەکانی پیشەسازیی پۆڵای ئێران ئەوەندەبێت، زیانی گەورە بەر ئابووریی ئێران کەوتووە.
سوپای ئیسرائیل بەردەوامە لە هێرشکردنەسەر ئێران و بەرەبەیانی پێنجشەممە 2ـی نیسانی 2026 لە تاران و چەند پارێزگای دیکەی ئێران، کۆمەڵێک شوێنی بۆردوومانکرد. لە بەرامبەردا، ئێران دەڵێت، شەپۆلێکی دیکەی هێرشی مووشەکیی کردووەتە سەر ئیسرائیل.
فڕۆکەکانی ئیسرائیل لە تاران و کەرەج هێرشیان کردە سەر چەند وێستگە و تاوەرێکی سەرەکیی کارەبا، لە نزیک شاری تەورێزیش کۆمەڵگەیەکی پترۆکیمیایی کرایە ئامانج. وەزارەتی وزەی ئێران دەڵێت، لە ئەنجامی بۆردوومانەکاندا کارەبای چەندین ناوچەی تاران و کەرەج بڕاوە، بەڵام بە خێرایی کێشەکەیان چارەسەر کردووە
رۆژی شەممە 28ـی ئادار، لە پارێزگاکانی کرماشان، لوڕستان، تاران، کەرەج، قوم، ئیسفەهان، فارس، خوزستان، بووشێهر، ئازەربایجانی رۆژهەڵات، مەرکەزی، قەزوێن، فارس و زەنجان دەیان شوێن بە فڕۆکە و درۆن بۆردوومانکران.
دوای زیاتر لە هەفتەیەک لە راگرتنی هێرشەکانیان بۆ سەر بنکە و دامەزراوە ئەمنی و سەربازییەکانی ئێران لە رۆژهەڵاتی کوردستان، لە بەرەبەیانیی دووشەممەوە لە شارەکانی ورمێ و خوڕەمئاوا هێرشکرایە سەر چەند شوێنێک.
شەڕی ئەمریکا و ئیسرائیل لەگەڵ کۆماری ئیسلامیی ئێران پێی نایە بیستەمین رۆژ و ئەمریکا و ئیسرائیل لە رۆژی چوارشەممە و بەرەبەیانی پێنجشەممە هێرشەکانیان لەسەر دامەزراوەکانی گازی ئێران، بنکە مووشەکییەکان و هەروەها کردنە ئامانجی شوێنی مانەوەی بەرپرسانی ئێران چڕکردووەتەوە. سوپای ئیسرائیل شەوی چوارشەممە رایگەیاند، بۆ یەکەم جار ژمارەیەک ئامانج لە باکووری ئێران بۆردوومان کردن. هەروەها ئێران هێرشی 63 کردە سەر ئیسرائیل .
بۆردوومانکردنی بنکە مووشەکییەکان، سیستمەکانی بەرگریی ئاسمانی و هەروەها بارەگاکانی هێزە ئەمنی و سەربازییەکانی ئێران لەلایەن ئەمریکا و ئیسرائیلەوە بەردەوامە. هەروەها سوپای پاسداران رایگەیاند کە شەوی رابردوو گەورەترین و فراوانترین هێرشی مووشەکی کردە سەر 100 ئامانج لە ئیسرائیل لە هێرشی ئاسمانیی 61 دا.
