رووداو دیجیتاڵ
گوتەبێژێکی وەزارەتی دەرەوەی ئەمریکا ئەمڕۆ (چوارشەممە، 11-10-2023) کوژرانی 22 ئەمریکیی لە شەڕی حەماس و ئیسرائیل پشتڕاست کردەوە.
هەروەها بەگوتەی جەیک سولیڤان، راوێژکاری ئاسایشی نیشتمانی ''نزیکەی 20 کەسی ئەمریکیش بێسەروشوێنن، گوماندەکرێت بەشێکیان لەنێو بارمتەکاندا بن.''
ئەو گوتانە لەکاتێکدان؛ دوێنێ جۆ بایدن، سەرۆکی ئەمریکا رایگەیاند ژمارەی کوژراوانی ئەمریکا لە هێرشی حەماس بۆ سەر ئیسرائیل، 14 کەسە.
خاکی فەلەستین بە کێشەیەکی سەرەکی و ئاڵۆزی رۆژهەڵاتی نێوەڕاست دادەنرێت، 7ـی ئەم مانگە چەکدارانی بزووتنەوەی حەماس لە وشکانی، ئاسمان و بە هێزی دەریاوانییەوە هێرشیان کردە سەر ئیسرائیل و، ئیسرائیلیش لەوکاتەوە هێرشی پێچەوانەی بۆ سەر کەرتی غەززە دەستپێکردووە؛ تاوەکو ئێستا زیاتر لە دوو هەزار کەس لە هەردوولای شەڕەکە کوژراون و بە هەزارانی دیکەیش بریندارن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ