هاوکاری راستەوخۆی مەشق و راهێنانی پێشمەرگە لەلایەن پێنتاگۆنەوە بەتەواوەتی دەبڕدرێت، لەکاتێدا ئەمریکا داوای 96 ملیۆن و 452 هەزار دۆلاری بۆ وەزارەتی بەرگری عێراق و دژە تیرۆری عێراقی کردووە.
گوتەبێژێکی وەزارەتی دەرەوەی ئەمریکا بۆ تۆڕی میدیایی رووداوی پشتڕاست کردەوە، واشنتن بەشێوەیەکی کاتی ناردنی دۆلاری بۆ عێراق راگرت، بەڵام هاوکارییەکانی تایبەت بە رووبەڕووبوونەوەی تیرۆر بەردەوامن.
فیلمی (ئاوازی باڵەکان - Singing Wings) لە دەرهێنانی هێمن خالیدی، لەنێو زیاتر لە 1100 فیلم دا کە نێردرابوون بۆ فێستیڤاڵی بەناوبانگی (Full Frame) لە ویلایەتە یەکگرتووەکانی ئەمریکا، خەڵاتی باشترین یەکەم فیلمی درێژی بەدەست هێنا.
وەزارەتی گەنجینەی ئەمریکا لە چوارچێوەی ئۆپەراسیۆنی "تووڕەیی ئابووری"، سزای بەسەر 14 کەس، لایەن و فڕۆکەدا سەپاند بنکەیان لە وڵاتانی ئێران، تورکیا و ئیماراتە، ئەم هەنگاوە وەکو وەڵامێکە بۆ تێوەگلانی ئەو لایەنانە لە دابینکردن و گواستنەوەی چەک و پارچەی مووشەک بۆ رژێمی ئێران.
پەیمانگەی نیولاینز لە کۆنگرێسی ئەمریکا پانێڵێکی تایبەتی بۆ وڵاتانی ئاسیای نێوەڕاست رێکخست. ئامانجی پانێڵەکە تاوتوێکردنی پرسی ئابووری و جیۆسیاسیی ناوچەکەیە، بەتایبەتی دروستکردنی چوارچێوەیەک بەناوی S7، کە وڵاتانی ئەو ناوچەیە پێکەوە دەبەستێتەوە و کارئاسانی بۆ سیاسەتی دەرەوەی ئەمریکا دەکات تاوەکو بە کۆمەڵ مامەڵەیان لەگەڵ بکات، نەک بە جیا.
سەرچاوەیەکی ئەمریکیی ئاگادار بۆ دیار کوردە، بەرپرسی نووسینگەی رووداو لە واشنتن: شاندی ویلایەتە یەکگرتووەکانی ئەمریکا پلانی هەیە لە ئایندەیەکی نزیکدا گەشت بۆ ئیسلامئاباد بکات.
دۆناڵد ترەمپ بە رووداوی راگەیاند، ئەوان پەیوەندییەکی زۆر باشیان لەگەڵ ئێران هەیە. "ئەوەش لە سایەی ئەو ئابڵووقەیەی خستوومانەتە سەریان، کە تەنانەت لە بۆردوومانکردنیشیان بەهێزتر بوو."
بەهۆی شەڕی ئێران، ئابووریی جیهان رووبەڕووی شۆکێکی گەورە بووەتەوە و کەم وڵات هەیە کاریگەریی ئەم شەڕەی بەسەرەوە نەبێت.
دوو رۆژی دیکە ئەو وادەیەی دۆناڵد ترەمپ بۆ ئێرانی داناوە کۆتایی دێت. بەقسەی دۆناڵد ترەمپ ئەگەر بۆ 6ی نیسان کاژێر 8ی ئێوارە بەکاتی واشنتن، ئێران گەرووی هورمز نەکاتەوە و رێککەوتن لەگەڵ ئەمریکا نەکات، سوپای ئەمریکا تەواوی وێستگە کارەباییەکانی ئێران دەکاتە ئامانج و تەختی زەوییان دەکات.
کۆشکی سپی بە رووداوی راگەیاند، سەرۆکی ئەمریکا لە رووداوی خستنەخوارەوەی فڕۆکەیەکی هێزی ئاسمانیی وڵاتەکەی لە ئاسمانی ئێران ئاگادار کراوەتەوە.
