یاریزانانی مان یونایتد
رووداو - هەولێر
ئەمڕۆ لە یاریی لوتكەی پرێمەرلیگی ئینگلتەرا، هەردوو یانەی مانچێستەر یونایتد و چێڵسی لەسەر یاریگەی ئۆڵترافۆرد لە مانچیستەر بەیەكدەگەن.
یاریی نێوان هەردوو یانە تایبەتمەندی و چێژی خۆی هەیە، بە تایبەتی بۆ خۆزێ مۆرینیۆی راهێنەری مانچێستەر، كە ساڵانێكە راهێنەری چێڵسی بووە و دەستكەوتی گەورەی بۆ یانەكە بەدەستهێناوە.
شەری مۆرینیۆ و کۆنتی ناونیشانی یاریی لووتکەی گەڕی 28ی پرێمەرلیگە، کاتێک تیپەکانیان لە شاری مانچێستەر رووبەڕووی یەکدی دەبنەوە.
مانچێستەریونایتد لە ئۆڵدترافۆرد میوانداری میوانێکی رەزاقورسی راهێنەرەکەی دەکات، ئەو یاریگەیەی 5 ساڵە ئەو میوانە بەبراوە تێیدا نەچوونەتە دەرەوە ئەویش یانەی چێڵسی لەندەنەییە.
مۆرینیۆ کە ئەمساڵ هەموو ئامار و خاڵەکانی لە چێڵسی پاڵەوانی وەرزی رابردووی خولەکە باشترە و لە خانەی دووەمە و خاوەنی بەهێزترین هێڵی بەرگریە و پشت ئەستوورە بە هەزاران هاندەری سوورپۆش و رقە گەورەکەی بەرامبەر یاریزانانی بلوز ئەو یاریزانانەی شۆڕشی شکستیان بەرپاکرد بۆ دەربازبوون لە سپێشەڵ وەن، بۆیە مو دەیەوێ درێژە بە باڵادەستی مانچێتستەر بدات بەسەر بلوزدا و بە وەرگرتنی سێ خاڵ هەم پێگەکەی لە پلەی دووەم بە هێزتر بکات و هەمیش رکابەرەکەی بخاتە پلەی پێنجەم و خزمەت بە تۆتێنهام بکات.
بەڵام چێڵسی لەندەنی بە ئاسانی ئەو هەلە لەدەستنادات و هەموو شتێک دەکات بۆ ئەوەی بۆیەکەمجار لەژێر راهێنەرایەتی کۆنتی بە سێ خاڵ لە ئۆڵدترافۆرت بێتە دەرەوە و ئەو کاتە ئەگەر پلەی دووەم لە تیپەکەی مۆرینیۆ وەرنەگرێتەوە ئەوا پلەی سێیەم مسۆگەردەکات و سوورپۆشەکان لە پلەی دووەم فرێدەداتە پلەی چوارەم و شوێن گۆڕکێ بە پلەبەندی خۆی و رکابەرەکەی دەکات.
لەلایەکی دیکە گوشارەکانی رۆمان ئەبرامنۆڤیچی رووسی و خاوەنی چێڵسی لەسەر کۆنتی کەم دەبێتەوە، بەڵام ئەگەر یارییەکە بدۆرێنێت و لە چامپیۆنزلیگیش لە بارسێلۆنا نەباتەوە، ئەوا بە دڵنیایەوە پۆستەکەی دەکەوێتە مەترسی و دووردەخرێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ