Hewlêr (Rûdaw) - Bihayê petrolê îro piştî vebûna bazarên Asyayê bilind bû.
Bazara petrolê li benda encamên dan û standinên navbera Îran û Amerîkayê ye.
Bihayê bermîleke petrola brent a Deryaya Bakur îro 23 sentan bilind bû û bi 69 dolar û 3 sentan hat firotin.
Bihayê petrola sivik a Teksasê ya Amerîkayê (WTI) jî bi heman rêjeyê bilind bû û bi 64 dolar û 16 sentî hat firotin.
Berdevkê Wezareta Karên Derve ya Îranê ragihand, gera yekem a dan û standinan rê daye Îranê ku biryardariya Amerîkayê ya ji bo dîtina çareseriyeke dîplomatîk ji bo pirsgirêka nukleer a Îranê binirxîne.
Wî her wiha diyar kir ku ezmûneke wan a baş a dan û standinan a berê bi Amerîkayê re nebûye.
Pisporên Banka Awistralya û Zelandaya Nû (ANZ) li ser mijarê got:
"Her çi qasî Wezîrê Karên Derve yê Umanê ragihandibe ku dan û standin berhemdar bûn jî Serokê Amerîkayê amadebûna welatê xwe ya ji bo şandina keştiya duyem a balafirhilgir bo Kendavê nîşan da.
Vê yekê jî guman li ser encama dan û standinan çêkirine."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse