Hewlêr (Rûdaw) - Li gel ku aloziyên jeopolîtîk ên li Rojhilata Navîn û Ewropaya Rojhilat piştgiriyê didin bihayê petrolê, rêkeftina di navbera Îraq, Herêma Kurdistanê û kompanyayên petrolê de ji bo jinûvedestpêkirina hinartina petrola Kurdistanê, bû sedema daketina bihayê petrolê.
Daketin piştî bilindbûnê
Roja duşemê bihayê petrola Brent 67 dolar derbas kiribû, lê roja Sêşemê ber bi daketinê ve çû û niha bermîlek bi nêzîkî 68 dolar û 46 sentan tê firotin.
Her wiha, bihayê petrola sivik a Teksasê ya Amerîkayê jî daket û bermîlek bi 64 dolar û 51 sentan tê firotin.
Faktorên Jeopolîtîk
Aloziyên li Rojhilata Navîn, bi taybetî piştî ku welatên Ewropî dewleta Filistînê nas kir, zêde bûne.
Li Ewropaya Rojhilat jî aloziyên bi Rûsyayê re gihiştine asta herî bilind.
Ev rewşên jeopolîtîk dibin sedema fikaran li ser dabînkirina petrolê û bihayê wê bilind dikin.
Bandora rêkeftina petrolê
Lêbelê, rêkeftina ku roja duşemê di navbera Îraq, Herêma Kurdistanê û kompaniyên petrolê de ji bo jinûvedestpêkirina hinartina petrola Herêma Kurdistanê hat kirin, bandoreke berevajî li bazaran kir.
Li gorî vê rêkeftinê, Kompanyaya Firotina Petrolê ya Îraqê (SOMO) ragihand ku wan di çarçoveya rêkeftina OPEC Plusê de hinartina petrola xwe zêde kiriye.
Birêvebirê Giştî yê SOMOyê Elî Şetrî diyar kir ku ji bo gihîştina lihevkirineke dawî ya ku rê bide hinardekirina petrolê bi rêya Bendera Ceyhanê, hewlên wan didomin.
Serokwezîrê Herêma Kurdistanê Mesrûr Barzanî jî ragihand ku di navbera hikûmeta federal û kompaniyên petrolê de "têgihiştin û peymanek" çêbûye.
Hinardekirina petrola Herêma Kurdistanê, ku rojane nêzîkî 400 hezar bermîl bû, ji Adara 2023an ve bi biryara dadgeheke navneteweyî hatibû rawestandin.
Ji nû ve destpêkirina vê hinardekirinê dê bibe sedema zêdebûna petrolê di bazara cîhanî de û ev yek jî bihayê petrolê dadixe.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse