Googoosh piştî belavbûna dîmena gotina straneke wê ji aliyê Jîna ve got, ew dê vê stranê her tim ji bo bîranîna wê bêje

Hewlêr (Rûdaw) - Roja Çarşemê di vîdyoyekê de ku li ser torên civakî hatiye belavkirin, keça Kurd a Rojhilatê Kurdistanê Jîna Emînî ya ku bûye sembola xwepêşandanên Îran û Rojhilatê Kurdistanê straneke hunermenda Îranî Googoosh dibêje û bi xwe re karvedanan tîne.

Stran di nava demjimêrekê de di piraniya medyayên Îran û Rojhilatê Kurdistanê û her wiha di torên civakî de hat belavkirin û careke din rê vekir ku navê Jîna Emînî bibe trend li ser torên civakî.

Googoosh jî li ser hesabê xwe yê Instagramê nivîsî, “Ey kesên ku nahêlin çanda tolhildanê di nav gelên Îranê de bimire, bawer bikin, vê carê hûnê di bin giraniya tolhildana herî dijwar a dîroka Îranê de biperçiqin.”

Googoosh her wiha nivîsiye ku ew ê dê heta dawiya temenê xwe vê stranê ji bo bîranîna Jîna Emînê bêje.

Jîna Emînî roja Înê 16ê Îlona 2022an bi tohmeta pabendnebûna bi hîcabê ji aliyê Polîsên Exlaqê yên Îranê ve hatibû desteserkirin û piştî ku ew birin Rêveberiya Polîsan a Wezîran li wir rastî îşkenceya polîsan hat û li nexweşxaneyê canê xwe ji dest da.

Navê Jîna Emînî bû sembola xwepêşandanên Îran û Rojhilatê Kurdistanê. Niştecihên bajarên Îran û Rojhilatê Kurdistanê zêdetirî mehekê ye xwepêşandanan li dar dixin û dirûşmên “Jin, Jiyan, Azadî” berz dikin.

Dîmeneke nû yê #JînaEmînî ku straneke hunermenda navdar a Îranê #Googoosh dixwîne

Piştî belavbûna dîmenê nû, Googoosh ragihand, "ez dê heta dawiya temenê xwe vê stranê ji bo bîranîna #MahsaAmini bêjim."#مهسا_امینی #ژینا_امینی pic.twitter.com/OoQegIYGNH

— RudawKurdi (@RudawKurdi) October 20, 2022

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger